Urdu Poetry Forum

phir se mausam baharon ka aane ko hai, phir se rang-e-zamana badal jaye ga
abke bazm-e-chiraghan saja lengay hum, ye bhi arman dil ka nikal jaye ga

rukh se parda hatade mere sathiya, bas abhi rang-e-mehfil badal jaye ga
wo jo behosh hai hosh mein aye ga, girne wala jo hai wo sambhal jaye ga

tum tassali na do sirf bethay raho, waqt marne ka mere kuch tal jaye ga
kia ye kum hai ke masiha ke rehne se, moat ka bhi irada badal jaye ga

apne parde ka rakhna ho gar kuch baharam, samne ana jana munasib nahi
aik wehshi se ye chhairr achi nahi, kia karoge agar ye machal jaye ga

mera daman to jal hi chuka hai magar, anch tum par bhi aye gawara nahi
mere ansoo na poncho khuda ke liay, warna daman tumhara bhi jal jaye ga

mere mitne ka unko zara ghum nahi, zulf bhi unki ae dost barhum nahi
apne hone na hone se hota hai kia, kam dunya ka yunhi to chal jaye ga

phool kuch is tarha tor ae baghban, shakh hilne na pae na awaz ho
warna gulshan mein ronaq na phir aye gi, dil agar har kali ka behal jaye ga

bhigi bhigi se kion shem-e-mehkhana hai, lutf-e-saqi bhi kum khali pemana hai
apni nazron se hi kuch pila dijiay, rang mehfil ka khud hi badal jaye ga

Bohat zabardast !!! janab Bohat khoob Bhai jee

__________________

The old believe every thing, the middle aged suspect everything, the young knows every thing.(Oscar wilde)

WaH V Nice................ ......

__________________