patthar sulag rahe the ko_ii naqsh-e-paaa na thaa
ham us taraf chale the jidhar raastaa na thaa
parchhaa_iyo.n k shahar kii tanhaa_iiyaa.N na puuchh
apanaa shariik-e-Gam ko_ii apane sivaa na thaa
yuu.N dekhatii hai gum_shudaa lamho.n ke mo.D se
is zindagii se jaise ko_ii vaastaa na thaa
cheharo.n pe jam ga_ii thii.n Khayaalo.n kii ulajhane.n
lafzo.n kii justajuu main ko_ii bolataa na thaa
Khurshiid kyaa ubhaarate dil kii taho.n se ham
is anjuman main ko_ii sahar_aashanaa na thaa
patthar sulag rahe the ko_ii naqsh-e-paaa na thaa 
Re: patthar sulag rahe the ko_ii naqsh-e-paaa na thaa 
.png){kind=avatar}
