Urdu Poetry Forum

**tutu** · #1 10-30-2007, 07:48 AM

Meri zindagi to firaaq hai, wo azal se dil main makee'n sahi
wo nigaah-e-shoq se door hain, raag-e-jaa'n se laakh qareen sahi.

Hamain jaan deni hai ik din, wo kisi tarhaan, wo kahin sahi
hamain aap khainche daar pe, jo nahi koi to hamain sahi.

Sar-e-toor ho,sar-e-hashr ho hamain intezaar qubool hai
wo kabhi milian, wo kahin milain, wo kabhi sahi wo kahin sahi.

Na ho un pe jo mera bas nahi, k ye aashiqui hai hawis nahi
main unhi ka tha, main un hi ka hoon, wo mere nahi to nahi shai.

Mujhe baithne ki jagha mile, meri aarzoo ka bharam rahe
teri anjuman main ager nahi, teri anjuman k qaree'n sahi.

Tera sang-e-dar na udas ho, jo kisi ko ishq ka paas ho
koi sajda raiz na ho sake to na ho,meri hi jabee'n sahi.

Meri zindagi ka naqeeb ka, nahi door mujh se qareeb hai
mujhe us ka gham to naseeb hai, wo ager nahi to nahi sahi.

Jo ho faisla wo sunaaeye, use hashr pe na uthaeye
jo karainge aap sitam wahan, wo abhi sahi wo yahin sahi.

Use diakhne ki jo lau lagi, to diakh hi laainge naseer
wo laakh nigahoon se door ho, wo laakh parda nashee'n sahi.