Urdu Poetry Forum

hum nay to khair tujh se shikayat kabhi na ki
aisa nahi ke dil ne baghawat kabhi na ki

kis haal main hain tere sataye hoe ghareeb
tu nay ye poochnay ki bhi zehmat kabhi na ki

mehsoos kia karay ga woh auron ke dard ko
jis ne khud apne aap se ulfat kabhi na ki

phir faislay ka haq osay hasil hai kis tarah
rodad-e-ghum ki jis ne sama-at kabhi na ki

chaha hai main nay jis ko bari shiddaton ke saath
os tarah os ne mujh se muhabbat kabhi na ki

har dastan teri bari ghor se suni
lakin bayan apni hikayat kabhi na ki

ik khuwab tha ke apni shabon par raha muheet
kia khuwab tha, kisi ne wazahat kabhi na ki

ik aag thi ke jis main jaltay rahe umr bhar
ik dard tha ke jis main khayanat kabhi na ki

bohat zabardast!!!!!!!

__________________

__________________

__________________