Urdu Poetry Forum

**Benighted** · #1 04-16-2008, 08:24 PM

Baraso.n ke baad dekhaa ik shaKhs dil_rubaa saa
ab zahan me.n nahii.n hai par naam thaa bhalaa saa

abaruu khi.nche khi.nche se aa.Nkhe.n jhukii jhukii sii
baate.n rukii rukii sii lahajaa thakaa thakaa saa

alfaaz the ke jugnuu aavaaz ke safar me.n
ban jaaye jangalo.n me.n jis tarah raastaa saa

Khvaabo.n me.n Khvaab us ke yaado.n me.n yaad us kii
niindo.n me.n ghul gayaa ho jaise ke rat_jagaa saa

pahale bhii log aaye kitane hii zindagii me.n
vo har tarah se lekin auro.n se thaa judaa saa

agalii muhabbato.n ne vo naa_muraadiyaa.N dii.n
taazaa rafaaqato.n se dil thaa Daraa Daraa saa

kuchh ye ke muddato.n se ham bhii nahii.n the roye
kuchh zahar me.n bujhaa thaa ahabaab kaa dilaasaa

phir yuu.N huaa ke saavan aa.Nkho.n me.n aa base the
phir yuu.N huaa ke jaise dil bhii thaa aabalaa saa

ab sach kahe.n to yaaro ham ko Khabar nahii.n thii
ban jaayegaa qayaamat ik vaaqi_aa zaraa saa

tevar the beruKhii ke andaaz dostii ke
vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit
naahaq thaa zo.Num ham ko jab vo nahii.n thaa pyaasaa

ham ne bhii us ko dekhaa kal shaam ittefaaqan
apanaa bhii haal hai ab logo 'Faraz' kaa saa

**HG_Lover** · #2 04-17-2008, 12:33 AM

khob janab...........

**khan_khan9116** · #3 04-17-2008, 02:27 PM

Bohat khoob..............

Similar Threads
Thread	Thread Starter	Forum	Replies	Last Post
~!! Teray Baad !!~	~ HijR ~	Ghazal	16	07-08-2008 09:19 AM
@~~Barason ke baad dekhaa ik shakhs dilrubaa saa~~@	dil-e-nadan	Ghazal	7	01-23-2008 10:12 PM
tuune dekhaa hai kabhii ek nazar shaam ke baad	wajidhanif	Ashaar - Misc	10	11-10-2007 11:00 AM