Urdu Poetry Forum

**~ HijR ~** · #1 09-12-2007, 11:35 PM

Shair e Fitrat hOn Main jAb Fikar Farmata hOn Main
ROoh Ban Kar Zarey Zarey Mein Sama jAta hOn Main

Aa K tUjh Bin Is Trah Aey dOst Ghabrata hOn Main
Jaiey Har Shay Main Kisi Shay Kii Kammi Paata hOn Main

Jis Qadar Afsana e HaStii Ko dOharaata hOn Main
Aur Bhi Be-Gana e Hastii hUa jAata hOn Main

jAb Makaan o La-Makaan Sab Sey gUzar jAta hOn Main
Allah Allah tUjh Ko KhUd Apni Jagah Paata hOn Main

Haaye Rey MajbOoriyaan Tark e mOhabbat Key Liye
mUjh Ko Samjhatey hAin Wo Or Un Ko Samjhaata hOn Main

Meri Himmat Dekhna Meri Tabiyet Dekhna
jO Sulajh jAati hAi GhUthii Phir Sey Uljhaata hOn Main

hUsn Ko Kya DuShmanii hAi Ishq Ko Kya Bair hAi
Apney Hii QadmOn Kii KhUd Hi ThOkarien Khaata hOn Main

Teri Mehfil Teray Jalwey Phir TaQaaza Kya ZarOor
Ley Utha jAata hOn Zaalim Ley Chalta jAata hOn Main

Waah Rey ShOaq e Shadat kOo e Qaatil Ki Traf
Gun-Gunata RaQs Karta jhOomta jAata hOn Main

Dekhna Us Ishq Kii Yeh Tur-Faakaari Dekhna
wO Jaffa Kartey hAin mUjh Par Aur Sharmaata hOn Main

Eik Dil hAi Aur tOofaan e Hawaadis Aey "JiGger"
Eik SheeSha hAi K Har Pathar Sey Takraata hOn Main