Urdu Poetry Forum

lagta hai zindagi se rishta badal raha hai
maiN bhi khafa khafa hoon woh bhi khafa khafa hai

nadaan jhaank dil maiN usmaiN khuda chhupa hai
"pathar ki mooratoN maiN samjha hai tu khuda hai"

aakhir yeh kaisi chaahat, kaisa hai yeh taalluque
jaaNsoz hai bichhaRna, milna bhi ek saza hai

yeh shama ulfatoN ki bujhne na denge hargiz
nafrat ki garcheh abkey kuchh tez hi hawa hai

hans kar kaha yeh usne, kyooN mujhse dil lagaya
dil toRne ki issey behtar koi ada hai

ghabRa ke chal paRa hooN, tanhaayioN ki rah par
har ek qadam pe lekin yadoN ka qafila hai

rahney do usko yaro goshanasheen hi ab
uski khamoshyoN maiN sab ke liye doa hai

kaise yeh zindagi hai, har saans hai khata ek
dekheN KHATIB kab tak saansoN ka silsila hai
******************** ******************** ******
"patthar kii muurtoN meN samjhaa hai tu Khuda hai"
shiishe ke dil ko tu ne samjhaa sanam_kadaa hai

jis_dam lahuu piyaa hai pyaalaa banaa ke dil ko
jaam-e-sifaal meraa mujhko ajal_numaa hai

yaa Rab! yeh rahne_vaale haiN jaane kis nagar ke?
'ashva ho ya ho ghamza, na jaane kyaa adaa hai!

dekhaa hai jab se tumko, yeh lag rahaa hai mujhko
na tujh se maiN judaa huuN, na mujh se tu judaa hai

dekho lachak rahii hai kaisii kamar yeh phuTkal
pustaaN kaa bojh uupar kaisaa ladaa huaa hai

tum jis_qadar hasiiN ho, sadqa bhi us_qadar do
terii galii meN 'aashiq kaasa liye khaRaa hai

kyaa khuub phir jamegii, mil baiThiyegaa jis_dam
shaadii_shudaa hai MajnuuN, Lailaa bhii byaahataa hai!

is 'aashiqii meN jaayeN itne bulaNd naale
uN niim_'aashiqoN ko merii sadaa daraa ho [sorry for using "ho"]

suNtaa huuN kis maze se maiN uNkii lan_taraanii
gaalii_galauj jis par "Sahbaa" jii bhii fidaa hai
******************** ******************** *********
ham jaisaa hai kabhi tu ham se judaa hai
paThar ki moortoN meiN samjha hai tu khuda hai

ik noor ik ruh ik jaan hai sabh meiN
kaya roop hai tera apni apni razaa hai

khudgarz hai insaaN shaitaaN hai insaaN
deenOdharam iski fitrat ki dawaa hai

dairOharam ki deewareiN jab giraane lageN log
socheN ki ye dharam nayaamat hai ya kazaa hai

paThar to hai paThar butt Gautam ka ya Kaba
darja ibaadat ka inheN moman ka diyaa hai

ham "ASHK" na jaane sajda kareN kiska
har rahbar kahe "meraa khuda sab se baRaa hai"
******************** ******************** ********
wo jis ko jaan o dil se sil mera chaahta hai
na aashna-e-ulfat na mahram-e-wafa hai

ik wo ke aaj qasdan tufaaN meN chal parHa
ik tu ke sara manzar saahil se dekhta hai

rangat urhi urhi hai chehra bujha bujha hai
mujh se bijharh ke tera kya haal ho gaya hai

tum jis pe ja rahe ho, maiN jis se aa raha hooN
wo rahguzar alga hai, ye rasta juda hai

nanha sa aik pauda chahat ka jo uga tha
dekho, wo arz-e-dil par kaisa hara bhara hai

patthar ki murateN phir patthar ki murateN haiN
patthar ki muratoN meN samjha hai tu khuda hai

achhoN ko bhi ye duniya kahti bura hai 'raaghib'
sab se bura to meN tha mujh se bhi tu bura hai
******************** ******************** *********
yeh bhi to khudprasti ki ek ajab adA hai
"paththar ki muratoN maiN samjhA hai tu Khuda hai"

phir teri yaad Aai aur baar baar Aai
guldan-e-hafiza maiN phir phool ek khila hai

tu merey ghar maiN Aya, maiN terey dr peh haazir
aisa bhi ezterabi ek waquea hua hai

masjid maiN haiN nemazi ak saath mahwe sajda
sajde ka rang lekin sab ka juda juda hai

barsoN ki raah chal kar hai ek muqaam par woh
mehsoos kar reha hai lekin kahaN chala hai

har masala peh maiN bhi kucch sochta raha hooN
bas sochne se lekin kucch bhi na hal hua hai

Awaaz jis ki pahunchi dnia maiN har taraf hai
woh aadmi becharah ek moR par khara hai

shayad zafar kaheeN ho mahwe sukhan taraazi
dekha kabhi naheeN hai sher uska kucch suna hai
******************** ******************** *******
Har dil e insaan meN rehta muhabbat ka khuda hai
Patthar ki muraton meN samjha hai tu khuda hai !!

Jab piyaar kisi dil ka ebadat meN dhul jaye
Har lufz du'a bankar dil meN ootarta hai

Mitana hai tera maqsad tu jahalat ko mita apni
Be~jaan muraton ne kiya tera biGhaDa hai ?

Na mazhab apna choDo'na chaiDo kisika maslak
Tu choD na deen apna' maslak uska juda hai

Itna na bun tu neK'gunahgaar meN bhi hoon
Teri ik soorat hai' tu aaienah mera hai !

Na mujhse milakar 'tujhse kaha tha meN ne
Manzilen teri alag hein'raasta mera juda hai

Na sooraj aashna koii'na manzar e aab o taab
Na dhoop meN shiddat hai'na shaam ka saya hai

Ghaliyaan koochay veeraan'bund hein dar o baam
Manzar na soorat koii'na rang o sadaa hai

Peechay muDkar jo dekha ! patthar banjao Gay
Oos shehr e kharabi pe aasaib ka sayaa hai

Teray lehjay meN Swaleh' taseer khaan se aayee
Hai ta'meer e aijaaz kisi ka ? ya teri ye adaa hai.
******************** ******************** **

__________________
Ek Dafaa
Woh Mujh Se Lipat Ker
Kisi Doosrey Shakhs Ke Gham Main
Phoot Phoot Royee Thi

bohat khooob.
keep sharing.

__________________

salaam Huzoor-e-waalaa,

maiN aapke nick se pukaaruuN, itnii merii jurrat nahiiN

aapne lagtaa hai yeh misr'a google par talaash kiyaa hai aur vahiiN se aapko muKHtalif sho'araa~ kii yeh saarii GhazleN aur ash'aar mile.

vo angrezii meN kahaavat hai na k...Its a SMALL WORLD afterall...kiuN k aapne jo #2 par Ghazal post kii hai vo ittefaaqan hii kahiiye merii apnii Ghazal hai. ise URDUSTAN ke mushaa'ire meN shareek kii gaii thii aur shaayad pahle number yaa dusre number par muntaKHib huii thii.

vo Ghazal yeh hai:

"patthar kii muurtoN meN samjhaa hai tu Khuda hai"
shiishe ke dil ko tu ne samjhaa sanam_kadaa hai

jis_dam lahuu piyaa hai pyaalaa banaa ke dil ko
jaam-e-sifaal meraa mujhko ajal_numaa hai

yaa Rab! yeh rahne_vaale haiN jaane kis nagar ke?
'ashva ho ya ho ghamza, na jaane kyaa adaa hai!

dekhaa hai jab se tumko, yeh lag rahaa hai mujhko
na tujh se maiN judaa huuN, na mujh se tu judaa hai

dekho lachak rahii hai kaisii kamar yeh phuTkal
pustaaN kaa bojh uupar kaisaa ladaa huaa hai

tum jis_qadar hasiiN ho, sadqa bhi us_qadar do
terii galii meN 'aashiq kaasa liye khaRaa hai

kyaa khuub phir jamegii, mil baiThiyegaa jis_dam
shaadii_shudaa hai MajnuuN, Lailaa bhii byaahataa hai!

is 'aashiqii meN jaayeN itne bulaNd naale
uN niim_'aashiqoN ko merii sadaa daraa ho [sorry for using "ho"]

suNtaa huuN kis maze se maiN uNkii lan_taraanii
gaalii_galauj jis par "Sahbaa" jii bhii fidaa hai

yeh Ghazal merii she'ri zindagii ke awaail waqt kii hai is liye is meN kaii Khaamiyaan haiN jise maiN ne kabhii Theek nahiiN kiyaa...ab shaayad karuuN. ma'zarat Khaah huuN k aapko naaqis Ghazal mili...sorry!

merii jaanib se bahot bahot shukria aapkaa k aapne hamaare saath share kiye yeh kalaam.

_______BB

__________________
Khayaal hogaa, junuun hogaa, bahot abhii dil kaa Khoon hogaa
bahaar hai door kii Haqeeqat, bahaar rang-e-chaman nahiiN hai


Ali Z. Usmani [mere vaalid marHoom]

nice...............

__________________