Urdu Poetry Forum

kab tak khiraad ki baat junooN se chhupaayeN ham
ho ham zabaan koi to usse ja ke sunaayen ham
kab tak tere faraaq meN aansoo bahaayeN ham
itna na yaad aa ke tujhe bhool jaayeN ham
tark-e-taluq ka itna shauq na rakh
aisa na ho ke tujh ko buhat yaad aayeN ham
sher-o-sukhan ka daayera ab tang ho chuka
jab geet hi nahiN to kaise gungunaayeN ham
gosha nasheeNho ke hi baitheN ke ham shoaib
kis kis ko iss nagar meN bhala aazmaayeN ham
******************** ***************
chaaha hai zindagi ko yooN, ab keya bataayeN ham
milti ho agar bahisht bhi hargiz na jaayen ham
bas lajwaab hain tere andaaz dekh akr
hota nahiN kabhi yooN, kuchh na kah paayeN ham
roke hai aaj dil ko mehaz saagdi meri
dilbar haseen tum sa aur na itraayeN ham
dena hai aaj apni mohabbat ka imtehaaN
kar le agar yaqeeN woh mar kar dikhaayeN ham
zaahir haiN dil ke haal sabhi bas nigaahoN se
nahin itne be adab ke..munH se bataayeN ham
milta to hai sakooN teri yaad se magar
itna na yaad aa ke tujhe bhool jaayeN ham
******************** ***********
Bezaar jo hai har insaan aaj
dostoN ki kahaN pahchaan aaj
tumhen dekh kar ta'ajub sa hua
warna to har shakhs hai pareshaaN aaj
aaj to khawaab meN bhiumeed na thi
tum ne khud aa ke kiya heraaN aaj
itna na yaad aa ke tujhe bhool jaayeN ham
rahne de dil ki galiyoN ko wiraan aaj
tanhaayi ke daaman men yaadoN ke phool
bas yahi kuchh bacha hai mera samaaN aaj tujhe sajaane ko phool kahan se laaooN zindagi
ujrha hua hai shehar ka har gullistaN aaj
chahre pe chahra laga ke har shakhs
dhoondh raha hai apni pahchaan aaj..
******************** *********
dil pe guzar rahi hai jo keya bataayeN ham
lagta nahiN hai achha ke sab ko rulaayeN ham
khud to chala geya hai, andhera bhi kar geya
aur ham se kah geya hai ke ab dil jalaayeN ham
apni duaaon tak pe hameN ab yaqeen nahiN
takte hain aasmaaN ko kar ke duyaaeN ham
ai mere dost, mere takhauul ke hamsafar
itna na yaad aa ke tujhe bhool jaayeN ham
baad-e-saba tu ja kar zara itna poochh le
milna nahiN hai un ko to laut jaayen ham
jaana hai tujh ko ja, hamen dekhta hai kyun?
ab keya tere firaaq meN aansoo bahaayeN ham?
woh to jafayeN kar ke pashemaaN tak nahiN
sharminda hain ke karte rahen hain wafaayeN ham
dost haath kat gaye, shaahoN ke hukam se
zanjeer kis tarah se bhala ab hilaayen ham?
******************** ************
shauq-e-wasaal hai to, magar keya bataayen ham?
apne qareeb paa ke tujhe mar na jaayeN ham
kab tak tere firaaq ke sadme uthaayeN ham?
itna na yaad aa ke tujhe bhool jaayeN ham
woh hamaare shauq se ab tak hau be neyaaz
uss ajnabi ko kis tarah apna banaayen ham
nakaam saayel-e-ashk hai, aaheN hain be asar
dil meN sulaghti aag ko kaise bujhaayen ham
arzaaN hui hai shehar meN laila ki aabroo
sahra men ja ke qais ko kaise bataayen ham
har baar ham lute hain raah-e-shauq meN qamar
raah zan ko phir bhi peyaar se rasta dikhaayen ham
******************** *****************
allah re be khudi, khud ko tujh paayen ham
itna na yaad aa ke tujhe bhool jaayeN ham
khilaaf-e-aastaaN hai maathe pe ik shigaaf
tamgha-e-harf-e-hareef kyunkar mitaayen ham
yah hukam kisi ka ya weham hai mera
ik khawaab ke azhaar meN fana ho jaayen ham
divaar ka saaya to badalta hi rahta hai
apne hi saaye men kahiN gir na jaayen ham
baat hi aur thi in behiss rasmoN se pahle
khamosh baat ko ab kaise sunaayeN ham
karishma hai rang zauq-e-binaayi ka noor ka
tum hameN dekho ke aayina dikhaayeN ham
kisi dor ke aakhri shakhs hain keya hazrat
keya mom ko donoN taraf se jalaayeN ham
******************** ************
tujhe yaad na kare, aisa dil kahaN se laayeN ham
khud ko bhool jaayeN, magar tujhe kaise bhulaayeN ham
tere peyaar se ma'amoor dil ko kahin torh aayeN ham
itna na yaad aa ke tujhe bhool jaayeN ham
guzri keya iss dil pe tumhe keya bataayeN ham
keya keya suno ge, keya keya bataayeN ham
so dil hoN to teri yaad se basaayeN ham
so jaaneN hoN to sab tujh pe lutaayeN ham
khata keya thi dil ki ise kaise samjhaayeN ham
be chain aankhoN ko kab tak khawaab dikhaayeN ham
zindagi to talf hui tere sitam sahte magar
itna bhi na tarhpa ke mar bhi na paayeN ham
******************** ********
aa teri har ada pe ghazal ik banaayen ham
jis baat se tu khush ho faqat woh sunaayeN ham
maana tere kheyaal meN ab ham nahiN rahe
aisa nahin kabhi na tujhe yaad aayeN ham
din raat jis ke kheyaal se apne haseen the
aao ussi kheyaal meN phir se doob jaayeN ham
ik doosre pe ishq meN ilzaam na dhareN
tu ham ko aasma aur tujhe aazmaayeN ham
dil ke qareeb ho, magar kuchh dooriyan bhi rakh
itna na yaad aa ke tujhe bhool jaayeN ham
ai shaikh unke ishq meN ham majboor kyun raheN
woh door jaana chaahen, unke paas jaayeN ham
******************** *********
misra hai khoob, iss pe taba'a aazmaayeN ham
itna na yaad aa ke tujhe bhool jaayeN ham
milta hai dil lagaane se allah bhi yahaN
fursat magar kise hai ke ab dil lagaayeN ham
woh waqt aa geya hai ke khamosh hai khuda
baazoo badal raha hoon, kidhar chot khaayeN ham
azmat gayi, thi, pahle to ab ilm bhi geya
aql-o-khiraad ke paas kahaN aayeN jaayeN ham
shikwa hai zauq-o-meer se, ghalib se dard se
woh chashm-e-naaz, zulf ke bal kahaN se laayeN ham
Ansar aisi bazm meN baithe hue hain aaj
saaghar nahiN hai, jaan nahiN, keya palaayeN ham?
******************** *******
kaise iss haal-e-dil ko jahan se chhupaayeN ham
itna na yaad aa ke tujhe bhool jaayeN ham
kitne yahaN pe aaye aur aa kar chale gaye
ik tere liye raaste pe aankheN bichhaayeN ham
har ik gharhi pe gardish-e-doraaN ka raaj hai
phir kyun qabooliyat ki gharhi ko bhulaayen ham?
lamhe to the haseen, yaadeN haseen tar
un madh bhari sadaaoN ki kyunkar bhulaayeN ham
dareya charhe hue hain, aur barkha baras rahi
in mausamoN meN bhi na tumhe yaad aayeN ham?
woh dost tha hamaara, woh dil se aziz tha
aao chalo kahiN se usse dhoondh laayeN ham
******************** **********

__________________
Ek Dafaa
Woh Mujh Se Lipat Ker
Kisi Doosrey Shakhs Ke Gham Main
Phoot Phoot Royee Thi

very nice..........:flowe r3

__________________

Moat bi zarori hai
zindagi bi pyaari hai
faslon se juway mai
main ne shaam hari hai

shaaaaaaaaaaaaaaaaaa aaaaaaaaaaaaandar... ........

__________________
no Spamming @};-

bohat khooob.
keep sharing.

__________________

very nice................ ....

keep sharing............. ...........

nice...............

__________________