Urdu Poetry Forum

As'salam O Alakium, aik ghazal jo k kabhi mujhe pori yaad thi aaj shidad sey yaad aa rahi hay per pori yaad hi nahi aa pa rahi na hi kaheen mil pa rahi hay agar aap main sey kisi k paas ye ghazal ho tu barae meherbani irsaal kejeye take mujhe sakoon naseeb ho

ghazal k chanad ashaar yaad aa rahey hain jis kisi ko pori yaad ho plz bata dejeye


Koi mouj-e gul sey kah dey na chale machal machahl k
Wo nazar badal gai hay meri zindagi badal k

na chura nigagh saaqi na barat ye be-niyaazi
terey paas aay hain wo kai raste badal k

SHAB _E MAAH MUKHTASIR THI< MUJHE HIIII KYA KHABR THI
K TULU HI PHIR NA HO GA MERA MAHTAAB DHAL K

__________________

@};- @};- @};- @};- too good

__________________
Mora Tum bin Jiya Nahi Lagy

ghazal tu bohat aachi hai

ager huimere pass tu mein yahan post kar don gi

khush rahiye

__________________

salaam Shagufta saaHiba,

aapkii "gum-shuda" Ghazal maiN ne khoj nikaalii hai magar jo ash'aar aapne raqam kiye haiN, un meN se 2-ek ash'aar aise haiN jo is Ghazal meN shaamil nahiiN haiN lihaaza aap un ash'aar ko bhii shaamil kar leN. be-shak yeh Ghazal bahot Hasen hai. lijiiye, N-joy kijiiye...EHsaan daanish kii Ghazal mulaaHizah farmaaiye:

_______Hashmat

1.
kabhii mujh ko saath lekar, kabhii mere saath chal ke
vo badal gaye achaanak merii zindagii badal ke

2.
huye jis pe meHr_baaN tum, koii Khush_nasiib hogaa
merii HasrateN to nikliiN mire aaNsuuoN meN Dhal ke

3.
terii zulf-o-ruKh pe qurbaaN, dil-e-zaar DhuunDhtaa hai
vohii champaii ujaale, vohii suramaii dhundhalke

4.
koii phuul ban gayaa hai, koii chaand, koii taaraa
jo charaaG bujh gaye haiN terii anjuman meN jal ke

5.
mire dosto Khudaaraa! mire saath tum bhii DhuunDho
vo yahiiN kahiiN chhupe haiN mere Gham kaa ruKh badal ke

6.
terii be_jhijhak haNsii se na kisii kaa dil ho mailaa
yeh nagar hai aaiinoN kaa, yahaaN saaNs le sambhal ke

__________________
Khayaal hogaa, junuun hogaa, bahot abhii dil kaa Khoon hogaa
bahaar hai door kii Haqeeqat, bahaar rang-e-chaman nahiiN hai


Ali Z. Usmani [mere vaalid marHoom]