WOH KEHTI HAI...

* Woh kehti hai kay kia ab bhi kisi kay liye laal hari chooriyan khareedtay ho?
main kehta hon ab kisi ki kalai pay yeh rang acha nahi lagta.
* Woh kehti hai kay kia ab bhi kisi kay anchal ko aakash likhtay ho?
main kehta hon ab kisi kay aanchal main itni wosaat kahan hai..
* Woh kehti hai kay kia mairay baad kisi larki say muhabbat howi hai tumhain?
main kehta hon, Muhabbat sirf larki per mushtamil nahi hoti.
* Woh kehti hai kay janan! lehjay main bohat udaasiyat si hai?
main kehta hon kay titliyon nay bhi mairay dukh ko mehsoos kiya hai.
* Woh kehti hai kay kia ab bhi mujhay baywafa kay naam say yaad kartay ho?
main kehta hon kay mairay nisaab main yeh lafz shamil hi nahi.
* Woh kehti hai kay kabhi mairay zikar per ro bhi laitay ho gay?
main kehta hon kay mairi ankhon ko har waqt ki phoowar achi lagti hai.
* Woh kehti hai kay tumhari baaton main itni gehrai kiun hai?
main kehta hon kay teri judai kay baad mujh ko yeh aizaaz mila hai.