Socha nahin accha bura dekha sunna kuch bi nahi
Manga khuda se raat din tere sewa kuch bi nahin

Socha tujhey, dekha tujhey, chaha tujhey, pooja tujhey
Meri khata meri wafa, teri khata kuch bi nahin

Jis par hamari aankh ne moti bichaye raat bhar
Bheja wohi kaghaz ussey hum ne likha kuch bi nahin

Ik sham ke saaye talley bethey rahey woh dair tak
Aankhon se ki baatein bohat mun se kaha kuch bi nahin

Ehsas ki khushboo kahan, awaz ke jugnoo kahan
Khamosh yaadon ke sewa ghar mein raha kuch bi nahin

Do char din ki baat hai dil khak mein mil jaye ga
Jab aag par kaghaz rakha baqi baccha kuch bi nahin