Kabhi moom ban ke pighal gaya
Kabhi girte girte sambhal gaya
Woh ban ke lamha guraiz ka
Mere paas se nikal gaya
Usse rokta bhi to kis tarah
Ke woh shakhs itna ajeeb tha
Kabhi tadap utha meri aah se
Kabhi ashk se na pighal saka
Sar e rah mila woh agar kabhi
To nazar chura ke guzar gaya
Woh utar gaya meri ankh se
Mere dil se kiun na utar saka
Woh chala gaya jahan chor ke
Main wehan se phir na palat saka
Woh sambhal gaya tha faraaz magar
Main bikhar ke bhi na simat saka