Originally Posted by khan_khan9116

Kaha us ne k tum tabeer ho aur khawaab sa hon main
ho tum bekhawaab muddat se,azal se jaagta hon main

jo pocha dil ka suda kub kia,kaisay kia tum ne
wo bola eak pal thero ye he tu soochta hon main

jo main ne dasht main ja kar pokara,hai KHUDA koe
tu her zarra pokaar uthta,k usko jaanta hon main

bhala es dar pe jakar kis liye khali palat aaey
kaha,manzil ko choo kar bhe laga ek raasta hon main

abhi socha he tha dhoondon ufaq k paar ka rasta
tu dil bola mera,socho kabhi ka la pata hon main

hawa boli samandar se tera bhe koe bichra hai
kaha,ja ja k sahil par esi ko dhoondta hon main