Dar-e-Kayenat jo wa karey usi agahi ki talash hey
Mujhey Roshni ki talash thi Mujhey Roshni ki talash hey
Gham-e-Zindagi key fishar mein, teri arzoo key ghubar mein
Isi bey-hasi key hisar mein Mujhey Zindagi ki talash hey
Ye jo sersari si nishat hey ye tou chend lemhon ki bat hey
Meri Rooh tek jo uter sakey Mujhey us Khushi ki talash hey
Ye jo aag si hey dabi dabi, nahe doston mere kaam ki
Wo jo aik aan mein phoonk dey usi shoulagi ki talash hey
Ye jo sakhta sey hein qehqahey merey dil ko legtey hein bojh sey
Wo jo upney aap mein must ho Mujhey usi hansi ki talash hey
Ye jo mayl joul ki bat hey ye jo mejlisi si hayat hey
Mujhey us sey koi gharaz nahe Mujhey Dosti ki talash hey