 << Wehshaton ke mor par le aai mujh ko zindagi >> | |
Wehshaton ke mor par le aai mujh ko zindagi
Aik pal bhi tere bin na bhai mujh ko zindagi
Mukhtasir se waqt main dekhi bahar-e-arzoo
Char din ko gulsitan main laai mujhko zindagi
Apne hi andar utarnay ka mujhe rasta mila
Tujh se milker de gai gehrai mujh ko zindagi
Justujoo main chand ki, urnay ki koshish kar to lee
Laikin uske baad na raas aai mujhko zindagi
Main ne poocha zindagi se ishq ka anjaam to
keh gai hai kaam main ruswai mujhko zindagi
Ab to chunnay hain mujhe yadon ke moti umr bhar
De gai soghat main tanhai mujh ko zindagi
__________________ Jaane kya Mujhse zamana chahta hai ,
mere dil tod kar mujhe hasana chahta hai
jaane kya baat jhalakti he mere chehre se
har saks mujhe aazmana chahta hai |