Charaag-e-jaan ko supord-e-hawa bhe us ne kia
pher apnay aapko waqf-e-dua bhe us ne kia

meray dukhon ki talafi bhe us k piyaar ne ki
shaa'our-e-ghum se mujhay aashna bhe us ne kia

diye se jaltay rahay dil main uski yadon k
shab-e-safar ko bohat khush numa bhe us ne kia

kia usi ne mujhay arz-e-haal pe majboor
ye sooz-e-harf-o-hikayet ata bhe us ne kia

usi ne zehar diya mujhko khud shanasi ka
mujhay shikaar-e-azaab-e-ana bhe us ne kia

main apni chup k jazeray main qaid tha sajid
mujhay tu waqif-e-sout-o-sada bhe us ne kia