TU BHI NAHI MAY BHI NAHI
Laghzishoon say marwa tu bhi nahi may bhi nahi
Dono insaan hain Khuda tu bhi nahi may bhi nahi
Tum mujhay or may tumhay ilzaam detay hon magar
Apnay andar jhankta tu bhi nahi may bhi nahi
Maslihat nay ker dia dono may paida ikhtilaf
Verna fitrat ka bura tu bhi nahi may bhi nahi
Mukhtalif simtoon may dono ka safar jari raha
Aik lamhay ko ruka tu bhi nahi may bhi nahi
Chahtay dono bohat hain aik doojay ko magar
Ye hakikat manta tu bhi nahi may bhi nahi
__________________
MERAY KAM SUKHAN KA YE HUQM THA K KALAM OSS SAY MAY KAM KARAON
MERAY HONT AISAY SILAY K PHIR MERI CHUP NE OSKO RULA DIA