aey khuda ab tou ussey jhoomta badal kr dey,
yoon wo barsey merey peyaar ko jal thal kr dey,
merey mehboob k peroon ko jo chheenta choomey,
aesey chheentey ko chamakti hoi payal kr dey,
kesey mumkin hai k main hashar k sooraj se daroon,
mujhh pe saya jo merey yaar ka aanchal kr dey,
aey merey husn-e-khayal usko sajaney k liye,
suboh ko ghaza bana raat ko kajal kr dey,
aey muqadar mujhey tarsaye ga aakhir kab tak?
ya meri baat samajh ya mujhey pagal kr dey...