har qadam par nit naye saaNche meN Dhal jaate haiN log
dekhte hii dekhte kitne badal jaate haiN log
kis liye kiijiye kisii gum-gashta jannat kii talaash
jab ki miTTii ke khilaunoN se bahal jaate haiN log
kitne saada-dil haiN ab bhii sun ke aavaz-e-jars
pesh-o-pas se be-Khabar ghar se nikal jaate haiN log
shamaa kii maanind ahl-e-anjuman se be-nyaaz
aksar apnii aag meN chup chaap jal jaate haiN log
Shaaer unkii dostii kaa ab bhii dam bharte haiN aap
ThokreN khaa kar to sunte haiN sambhal jaate haiN log
<!-- google_ad_section_end -->