Ye shab-e-firaq ye bebasii hain qadam qadam pe udaasiyaan
Meraa saath koi na de sakaa merii hasaratain hain dhuaan dhuaan
Main tadap tadap ke jiyaa to kyaa mere khwaab mujh se bichhad gaye
Main udaas ghar kii sadaa sahii mujhe de na koii tasalliyaan
Chalii aisii dard kii andhiyaan mere dil kii bastii uja-d gai
Ye jo raakh si hai bujhii bujhii hain isii main merii nishaaniyaan
Ye fizaa jo gard-o-gubaar hai merii bekasii kaa mazaar hai
Main vo phuul hoon jo na khil sakaa merii zindagii main vafaa kahaan