Din guzar gayaa aitabaar main
Din guzar gayaa aitabaar main
Raat kat gai intazaar main
Wo mazaa kahaan Wasl-E-Yaar main
Lutf jo milaa intazaar main
Un kii ik nazar kaam kar gai
Hosh ab kahaan hoshiyaar main
Mere Qabze main kaayenaat hai
Main hoon aap ke ikhtiyaar main
Aankh to uthii phuul kii taraf
Dil ulajh gayaa Husn-E-Khaar main
Tum se kyaa kahe.n kitane gam sahe
Ham ne bewafa tere pyaar main
Fikr-E-Aashiyaan har khizaam kii
Aashiyaan jalaa har bahaar main
Kis tarah ye Ghum bhuul jaaye ham
Wo judaa huaa is bahaar main