13 munawar001

Dil kabhi surat-e-halaat se baher na gia
Main muhabat mein bhi awqaat se baher na gia

Ek tu hai k jahaan bher se hai ta'aluq tera
Ek main hun ke teri zaat se baher na gia

Soch koi nai teri soch se hat ker sochi
Tazkira koi bhi teri baat se baher nai gia

Merhala tujh se judai ka bhi aan pohncha hai
Main abhi pehli mulaaqaat se baher nai gia

Aao suraj ko btaty hain tamazat kia hai
Chand kia jane wo to raat se baher na gia

14 noorulraza khan

Zindagi mai kai rang dikhati hai JUDAI
Samne ho lakho rang udati hai JUDAI

Tum iske fareb mai hargiz na aana
Lamho ko sadiyan dikhati hai JUDAI

Yaar ke tasavvur me gum hai koi
Hazir ko gayab thehrati hai JUDAI
Aaraish ki khatir vatan na chodna
Maa-bap ko bahut rulati hai JUDAI

Hayat beshkimati tohfa hai logo
Raz yeh sabko batlati hai JUDAI
Kyun badnam karte ho isko
Pyar ko our badati hai JUDAI

15 umair_bantva

Tumhain Jab Kabhi Milein Fursatein Meray DiL Say Bojh Utar Do
Main Bohat Dinoon Se Udas Hoon Mujhay Koi Sham Udhaar Do

Mujhay Apnay Roop Ki Dhoop Do Kay Chamak Sakein Mere Kuhd-O-Khaal
Mujhay Apnay Rang Main Rang Do, Mere Saray Rang Utaar Do

Kisi Aur Ko Mere Haal Se Na Gharz Hai Na Koi Wasta
Main Bikhar Gaya Hoon Samait Lo, Main Bigurr Gaya Hoon Sanwaar Do

Meri Wehshatoon Ko Barha Dia Hai Judaiyoon Kay Azab Nay
Mere DiL Pay Haath Rakho Zara, Meri Dhadrkanoon Ko Qarar Do

Tumhain Subha Kaisi Lagi Kaho Meri Khawahishoon Kay Dayaar Ki
Jo Bhalee Lagi To Yahin Raho, Isay Chahatoon Say Nikhaar Do

Wahan Ghar Main Kon Hai Muntazir Kay Fikar Ho Dair Sawair Ki
Baree Mukhtasir Si Ye Raat Hai Isi Chandni Main Guzaar Do

Koi Baat Karni Hai Chand Say, Kisi Shakhsaar Ki Oouut Main
Mujhay Rastay MAin Yahin Kahein Kisi Kunj-E-Gul Main Utaar Do


16 greatkiran

Tum say gila nahi bay wafai ka
azn do ab tu tum rihai ka

askh aankhon main lay aata hai
aj bhi lamha teri JUDAI ka

ishq main is hud tak aa ponchi hun
ab nahi rah adar kisi ruswai ka

gher kay darobam pay ther gaya hai
tery janay say mausam tanhai ka

dil ki dharkanain berubt kerta hai
daikhn aj bhi us harjai ka

daikh ker bhi daikh nhi patay
kiya karay koi aysi beenai ka

dil main sannata uter aaya hai
soch ker wo alam teri shehnai ka

dil kay dard ko likh daiti hun
kiran shouq nahi mujh ko pazeerai ka

17 Shab-e-Tanhai

Mohabbat ki asiri say rehai mangtay rehna
Bohat aasan nahi hota judai mangtay rehna

Zara sa ishq kar lena,zara si aankh bhar lena
Awiz is kay magar sari khudai mangtay rehna

Kabhi mehroom honton par dua ka hurf rakh dena
Kabhi wehshat min us ki narsai mangtay rehna

Wafaon kay tasalsul se mohabbat rooth jati hai
Kahani main zara si bewafai mangtay rehna

Ajab hai wehshat-e-jaan bhi kh ibadat ho gai dil ki
Sukooot-e-sham-e-gham se humnumai mangtay rehna

Kabhi bachay ka nannhay hath par titli k par rakhna
Kabhi phir us kay rangon se rehai mangtay rehna

18 Shaafz

Mohabbat Sai Reha Hona Zarori Ho giya Hai
Mera Tujh Sai Juda Hona Zarori Ho giya Hai

Wafa Kai Tajrubey Kartey Hovay To Umer Guzri
Zara Sa Bewafa Hona Zarori Ho giya Hai

Meri Aawaz Tanhai Main Marti Ja Rahi Hai
Kisi Ka Ham_nawa Hona Zarori Ho giya Hai

Bhanwar Main Hai Kai Barson Se Apni Kashti-E-Jan
Kisi Ka Na-Khuda Hona Zarori Ho giya Hai.....


19 bhatti007

Bhar be apne jessi Kudaii lagi mujey
Hur Cheez main tumhari Judai lagi mujey

Jiwan main aaj tere liye roo nahi saka
Jiwan main aaj raat paraii lagi mujey

Mehndi Jachi kuch esse tere narm hath purr
ek Qayenaat dast-e-hinaii lagi mujey

Patti tere palaak ka kinara mujey lagi
skhak-e-Gulaab tere Kalaii lagi mujey

Dharkan main taal tere kayaloon se baaj ut.Te
Sansoon main tere nagma saraii lagi mujey

Haaq main ussi k faisla hurr shakhs ne diya
hurr shakhs tuk ussi ki rasii lagi mujey


20 balloo

uss aaKhri bose meiN kya hijr numaaii thii
pal bhar ki rafaaqat meiN sadiyoN ki judaaii Thii

jab choT paRhi dill par tab aaNKh Khuli merii
goya ye giraftaari-e-zindaaN se rihaaii thii

taKhliiq ka lamha bhi kya karb ka lamha thaa
ik simt Khuda Khud thaa ik simt Khudaaii thii

ye kooR nazar duniya uss ko bhii ghata samjhii
jo abr ke TukRhoN ne tasviir banaaii thii

PhooloN ne bhii aaNKhoN meiN ik aag hi bhaRhkaaii thii
titlii ko pakaRh kar bhii taskiin na paaii thii

tashkiik pe qaaiim heiN sab ilm ki buniyaadeiN
mushkil yahi KhawaaboN ki ta'abiir meiN aaii thii

band aaNKh se deKhaa thaa maNzar tere aane ka
sooraj ko andhere ne kya rah diKhaaii thii

21 amirmuaan

huns rahay ho tum laikin soch lo faqat itna
ashk k nikalnay main dair kitni lagti hai

be-wafa zamanay se kia gila karain aakhir
dost k badalnay main dair kitni lagti hai

aaj sath chulnay pe aitraz hai tum ko
sath sath chulnay main dair kitni lagti hai

husn ko ye batla do be-naqab na aaye
warna dil machulnay main dair kitni lagti hai

log ye samajhtay hain ghurq ho raha hon main
ye bata simbhulnay main dair kitni lagti hai

hai judai ka lamha aankh mairi purnum hai
dil magar behalnay main dair kitni lagti hai


22 SHYAM NARAIN VERMA

Ankhen bhig jatin chehara mayus hota hai
Agar kabhi koi dilvar dil se juda hota hai
Kisi ko kuchh bhi achha nahi lagata hai
Dil ko kitna samjhao wo mayus hota hai
Har pal nazren dhudti rahti hain dilver ko
Chan aata nahin dil bekarar hota hai
Muntzir rahte hain aik jhalk ke liye
Ye to judai ka aalam he aisa hota hai
Zindgi mein aisa hai judai ka lamha
Dil bechain hota hai dil mayus hota hai

23 AAKHRI TARA

Hansi Labo'n Pe Sajaye Udas Rehta Hai
Wo Kaun Hai Jo Merey Ghar Ka Paas Rehta Hai

Ye Aur Baat K Milta Nahi Koi Uss Sey
Magar Wo Shakhs Sarapa Sipas Rehta Hai

Jaha'n Pe Doob Gaya Meri Aas Ka Suraj
Usi Jaga Pe Sitara Shanas Rehta Hai

Guzar Raha Hoo'n Mai Sodagaro'n Ki Basti Se
Badan Pe Dekhiye Kab Tak Libas Rehta Hai

Likhi Hai Kisne Ye Tehrir Mauj E Sahil Par
Boht Dino'n Se Samandar Udas Rehta Hai

Mai Wehshato'n K Safar Mai Bhi Hoo'n Kaha'n Tanha
Yahi Guma'n Hai Koi Aas Paas Rehta Hai

Mai Guftagu K Har Andaz Ko Samjhta Hoo'n
K Meri Zaat Mai Lehja Shanas Rehta Hai

Judaiyo'n Mai BHI Rakhta Hai Rang Qurbat K
Nazar Se Door Sahi Dil K Paas Rehta Hai

Shabo'n SE Guftagu Karta Hai Koi Bhi 'ejaz'
Ik Iltemas Pas E Iltemas Rakhta Hai

24 dil-e-nadaan

badel saka na judai k ghum utha ker bhi,
k main to main he raha tujh se door ja ker bhi,

main sakht jan tha es karb se bhi bach nikla,
main jee raha houn tujhe hath se gnwa ker bhi,

khuda kare tujhe dore he raas aye,
to kya kare ga bhala ab yahan aa ker bhi,

abhi to mare bikhrne ka khel baki hai,
main khuch nahi houn abhi apna gher luta ker bhi,

main es ko satta se mehsoss ker k bhi khuch houn,
wo mutmin he nahi mare teh ko pa ker bhi,

abhi tak os nain koi bhi fesla na kia,
wo chup hai mujh ko her aik tarha aazma ker bhi,

es hajoom se leR bhaR ker zindge jee lo,
raha na gaye ga dunia se door ja ker bhi,

khula yeh bheed k tanhayian he qismat hain,
aik umer dekh lya mehflain saja ker bhi,

ruka na zulam mare rakh ban-ne per bhi ASIF,
hawa ki kho to wohi hai mujhe jala ker bhi