 Wo ShaKhs Ek Shaam Main Kitnaa Badal Gayaa ! | |
aaNkhoN kaa rang, baat kaa lehjaa badal gayaa
vo shaKhs ek shaam meN kitnaa badal gayaa !
kuch din to meraa aks rahaa aaiine pe naqsh
phir yuN hu’aa k Khud meraa chehraa badal gayaa
jab apne apne haal pe ham tum na rah sake
to kyaa hu’aa jo hamse zamaanaa badal gayaa
qadmoN tale jo rait bichii thii vo chal paRii
us ne chuRaayaa haath to sehraa badal gayaa
ko’ii bhii cheez apnii jagah par nahiiN rahii
jaate hi ek shaKhs k, kyaa kyaa badal gayaa !
ek sar-khushii kii mauj ne kaisaa kiyaa kamaal
vo be-niyaaz, saare kaa saaraa badal gayaa
uThTh kar chalaa gayaa ko’ii vaqfe k darmiyaaN
pardaa uThThaa to saaraa tamaashaa badal gayaa
hairat se saare lafz usay dekhte rahe
baatoN meN apnii baat ko kaisaa badal gayaa
kahne ko ek seh’n meN diivaar hii banii
ghar kii fizaa, makaaN kaa naqshaa badal gayaa
shaayed vafaa k khel se uktaa gayaa thaa vo
manzil k paas aa k jo rastaa badal gayaa
qaaim kisii bhii haal pe duniyaa nahiiN rahii
taa’biir kho gayii, kabhii sapnaa badal gayaa
manzar kaa rang asal meN saayaa thaa rang kaa
jis ne usay jidhar se bhii dekhaa badal gayaa
andar k mausamoN kii Khabar us kii ho gayii
us nau-bahaar-e-naaz kaa chehraa badal gayaa
aaNkhoN meN jitne ashq thay jugnuu se ban gaye
vo muskuraayaa aur merii duniyaa badal gayaa
apnii galii meN apnaa hii ghar dhhuNdhtee haiN log
“Amjad” ye kaun shah'kaar naqshaa badal gayaa....<!-- google_ad_section_en d --><!-- / message --><!-- sig -->
__________________
Dont keep ur dreams in ur eyes,
they may fall as tears.
Keep them in your heart
so that every heartbeat may
remind you about your dream..
+92 332 3644755 |