 Mein Waqt Hun Tareeq Ke Maathe Pay Likha Hun | |
phookon se buja hun na mitane se mita hun
mein waqt hun tareeq ke maathe pay likha hun
mein dhoop se bach kar nikal aaya toh hun leikin
ghirti hui deewar ke saaye mein khada hun
aaye hain wahi ghar ko mere aag lagaane
mein gin ke charagoan mein lahu ban ke jala hun
duniya hai ke phooloan ki khush aamed mein lagi hai
ek mein hun ke kaantoan mein lahu baant raha hun
chun bhi liye har ek ne maqamaat nasheman
mein hun ke abhi shaq e chaman dhoond raha hun
sab jashne charagaan ke tamashe mein lage hain
mein bujtey charagoan mein ki taraf dekh raha hun
woh lash meri paon tale roand rahe hain
mein gin ko bachane ke liye qatal hua hun
aanch aai kis par na Ali apni taraf se
sulga hun saliqe se qarine se buja hun.
----Ali Ahmed Jaleeli. |