Har hain lab aur aankhaien saot hain, chehra khuli kitaab
Khaamoshi perhti hai lakin raoz ik nai kitaab

Roshniyaan aankhon mein uterain teray naam ke saath
Aik kitaab khuli phir kiya thi, khulti gai kitaab

Yun har raoz duaon mein hai, teray husn ka wird
Rehal pe hathon ki rakhi ho, jaisey koi kitaab

Berf ki raat suna kerta tha, teray jism ke geet
Yaad ke mausam mein perhta hun, aaj bhe wohi kitaab

Lams ki teah mein aks ho jaisey, pas-e-manzir ho rang
gayan musaafat ke har pal mein lo de gi teri kitaab

Kab tak tasbeehon mein chuntey, teray shabnam khuwaab
Aag ke fawaron mein aakhir, jal ker rahi kitaab

Shaad mujhay samjhatey ho tum, raikhaaon ki reet
Usey kitaab perhao gai kiya, jis nain likhi kitaab

__________________