Aik Ghazal,

Tum Kabhi Aas Dilanay Ke Leay Aye Thay
Jaag’tay Khuaab Dikhanay Ke Leay Aye Thay

Ye To Acha Hua Tum He Ne Humain Chhor Dia
Hum Yehi Qarz Chukanay Ke Leay Aye Thay

Rait Urti Hai Inn Aankhon Main Bagulay Ban Ker
Qais Sehra Ko Basanay Ke Leay Aye Thay

Kia Khabar Unn Ko Ke Wo Toot Gaya Tha Kab Se
Wo Jo Ek Rabt Bachanay Ke Leay Aye Thay

Wo Kaheen Ke Na Rahay Kaun Bataye Tujh Ko
Jo Tujhay Apna Bananay Ke Leay Aye Thay

Apne Matlab Ke Siwa Log Kahan Miltay Hain
Abb Ke Bhi Saanp, Khazanay Ke Leay Aye Thay

Raat Ki Baat Hai Ye, Raat Gaee Baat Gaee
Warna Hum Shaam Sajanay Ke Leay Aye Thay

Go Ke Pur’lutf Thay Uss Taiz Hawa Ke Jhonkay
Per Wo Dewaar Giranay Ke Leay Aye Thay

Tum Jo Bigray Ho To Sab Bhool Gaye Hain Hum Bhi
Warna Tum Hum Ko Mananay Ke Leay Aye Thay

Umeed Hai Aap Logon Ko Pasand Aye Gi..

Regards,
<!-- / message -->