mere dil dhadkne kaa aalam naa poocho,
guzarti hai kaise shabb-e-gham na poocho...

naa dekhe gaye gul pe aansoo kisi ke,
udee kaise phoolonN se shabnam na poocho...

woh ek baat jisko nazar keh gaee hai,
wohi baat hothoN se herdum naa poocho...

koi dil ki naazook rageN choomta hai,
jawaN kis qadar hai yeh mausam na poocho...

tumhe kyun bataayeN hum apni hakeeqat,
humaaraa bhi hai koi humdum naa poocho...