 Gazab Kiya, Tere Vade Pe Aitabar Kiya..!! | |
Gazab kiya, tere vade pe aitabar kiya
Tamam rat qayamat ka intezar kiya
Hansa hansa ke shab-e-vasl ashk-bar kiya
tasalliyan mujhe de-de ke beqarar kiya
Ham aise mahv-e-nazara na the jo hosh ata
Magar tumhare tagaful ne hoshiyar kiya
Fasana-e-shab-e-Gam un ko ek kahani thhi
Kuchh aitabar kiya aur kuchh na-aitabar kiya
Ye kisane jalva hamare sar-e-mazar kiya
Ki dil se shor utha, hae! Beqarar kiya
Tadap phir ai dil-e-nadan, ki Gair kahate hain
Akhir kuchh na bani, sabr ikhtiyar kiya
Bhula bhula ke jataya hai unako raz-e-nihan
Chhipa chhipa ke mohabbat ko ashakar kiya
Tumhen to vada-e-didar ham se karana tha
Ye kya kiya ke jahan ko ummidavar kiya
Ye dil ko tab kahan hai ke ho malandesh
Unhone vada kiya ham ne aitabar kiya
Na puuchh dil ki haqiqat magar ye kahate hain
Vo beqarar rahe jisane beqarar kiya
Kuchh age davar-e-mahashar se hai ummid mujhe
Kuchh ap ne mere kahane ka aitabar kiya
|