Meri saanson ka zer-o-bam tumhare naam hona hai
K ab to her khushi,her gham tumhare naam hona hai
Baharen aaen gi gulshan main jab b rung-o-bu le ker
Haseen phoolon ka wo mosam tumhare naam hona hai
Main koi shair likhon ga,tumhara roop jhalke ga
Junoon ka aisa ik aalam tumhare naam hona hai
Meri sochon ka mehver sirf teri zaat thehri hai
Safar ab koi ho hamdum tumhare naam hona hai
Ghata'en jam k barsen gen to tum ko yaad aaye ga
K saawan main koi purnam tumhare naam hona hai
Mere is dil ki her dharkan yehi aawaz deti hai
Mera jeeven dil-e-mehram tumhare naam hona hai
Tumhare ishq ki zou se hi ye mehtab roshan hai
Diya ye jab howa madham tumhare naam hona hai