 Jisy Naz Shesha-e-Dil Pe Hai,Usey Shayad Is Ki Khabar Nahi | |
Jisy Naz Shesha-e-Dil Pe Hai,Usey Shayad Is Ki Khabar Nahi
Ke Ye Pathron Ka Dayar Hai,Yahan Koi Aaina'gar Nahi
Woh Musafir-e-Shab-e-Zeest Hoon,Ke Kisi Ki Mujh Pe Nazar Nahi
Maire Raste Ki Sehar To Hai,Maire Raste Mein Sehar Nahi
Maire Sath Sath Ravan To Hai,Koi Saya Sa Kisi Yad Ka
Hai Wohi Sharek-e- Safar Mera,Jo Mera Shareek-e-Safar Nahi
Gham-e-Dil Tera Gham-e-Dil Sahi,Issey Kar Tu Nazr-e-Gham-e-Jahan
Wo Charagh Koi Charagh Hai,Jo Charagh-e-Raah-e-Guzar Nahi
Ye Shamim-e-Ishq Ki Be-dili,Ye Hayat-e-Fan Ki Udasiyan
Maire Shehr-e-Gham Mein Hai Kon Si,Wo Gali Jo Khak Basar Nahi
Main Kisi Ke Husn Ki Dilkashi,Jo Bayan Karon To Bhi Kis Tarah
K Nazar Ke Pas Zabaan Nahin,To Zaban Ke Pas Nazar Nahi
Ye Dayar-e-Ghaflat-e-Shoq Hai,Na Humare Sath Chaley Koi
K Guzar Rahy Hain Wahan Say Hum,Jahan Khud Humara Guzar Nahi
Na Hi Ghuncha-e-Dil Khila, Na Mili Hayat Ko Roshni
Ye Sehar To Aur Kisi Ki Hai, Ye Sehar Humari Sehar Nahi
__________________
[b]Tanhayiyon ne meri mujhse kaha hamesha...jab saath hai mera to kyu khoya sa rehta hai |