Raha Na Dil Pey QabOo Na Ikhtyaar mUjhey
Kiya hAi Ishq Ney Is Trah Be-Qaraar mUjhey
gUlOn Key Badley Mili Aah nOk e Khaar mUjhey
Khizaan Ko Ab K Smajhna Para Bahaar mUjhey
Kuch Is Trah Sey Fraib e Nazar Ka Mara hOn
wO Aa Bhi jAien tO Aaya Na Aitbaar mUjhey
Kisi Ki Yaad Mein Sar-Shaar Tha jO mUddat Sey
Zamana Dekh Key Smajhey hAi Meh-gUsaar mUjhey
Talashe Manzil e Sabr o SakOon tO hAi Dil Ko
Mila hAi Raah Mein Lekin FaQt Ghubaar mUjhey
Agar Khata hAi mOhabbat tO Phir Khata Hii Sahii
GunehGaar hOn Keh dO GunehGaar mUjhey
Gham e Hyaat Gham e AarzOo Gham e Ufat
Qadam Qadam Pey Uthana Para hAi Baar mUjhey
Khyaal e Yaar Ko Dil Sey MitaaOn Mein tObah
Ziyaada jAan Sey Apnii hAi Is Sey Pyaar mUjhey
Ajeeb Cheez hAi Dil Ka mUaamala Yaaro
tAmam Umer Kiya Is Ney Sogvaar mUjhey
Pohanch Gya hOn Main Ab Jalwa-gaah e jAna Mein
Nazar jO Aaye hAi Har SOo Jamaal e Yaar mUjhey
Kiya Tha Husn Ka Nazaara Main Ney Jis Din Sey
KHUDA Gawah UsiiDin hAi KhUmaar mUjhey
mUjhey Kahey kOii Dewaana Bhi tO Kya "Nadaan"
Isii Khitaab Sey dUnya Main hAi WaQaar mUjhey