 afsos mat karo | |
Wo apnay ghar chala gya afsos mat karo
itna hi us ka sath tha afsos mat karo
insan apnay aap mein majboor hay bohat
koi nahi hay bewafa afsos mat karo
is baar tum ko aanay mein kuch dair ho gaee
thak haar kay wo sogya afsos mat karo
dunya mein aur chahnay walay bhi hein bohat
jo hona tha so hogya afsos mat karo
is zindagi kay mujh pay kaee qarz hein magar
mein jald lot aoon ga afsos mat karo
ye dekho phir se aagaein phoolon pay titliyan
ik roz wo bhi aiga afsos mat karo
wo tum se aaj door hay kal paas aiga
phir se khuda milaiga afsos mat karo
bekar gee pay bojh liye phir rahay ho tum
dil hay tumhara phool sa afsos mat karo
__________________
" Mohabat Bhi Zindagi Ki Tarhaan Hoti Hai Her Mor Asaan Nahin Hota Aur Her Mor Per Khushi Nahin Milti Phir Jab Hum Zindagi Ka Saath Nahin Chortey To Muhabat ka saath kiyon Chorein " |