<font color='#000000'><cen ter><I>

mira aks, aks bikhar gayaa, mujhe aaiine ki sazaa na de
maiN bujhaa chukaa hun nigaah-o-dil, mujhe raushni ki du'a na de

yehi shart Tehri tiri agar, koi kaise qeemat adaa kare!
yeh jo aarzuu-e-shikast hai, kahiN qarz-e-jaaN hi chukaa na de

na khabar hi teri lage mujhe, na pata hi apna chale mujhe
yeh jo silsila hai talaash kaa, use roz-o-shab ki hawaa na de

yeh talaatum aashnaa kashtiyaaN, yeh andheraa bai'Hr-e-vujood kaa
yahaan mauj Khud se hai be Khabar, yeh jazeera koi basaa na de

na vo man rahaa, na vo tan rahaa, na vo mausamoN ka jatan rahaa
ram-e-aahuu sarf-e-Khotan rahaa, tu fareb koi nayaa na de</font>