Ki Thee Mohabbat Per Iqraar Na Kar Sakay
Apni Chaahat Ka kabhi Hum Izhaar na Kar Sakay
Us Ki Yaadoon K Saharay Jeeay Saari Zindagi
Phir Bhi Hum Aankhen Chaar Na Kar Sakay
Ab Shikwa Apnay Mehboob Say Kia Karaen
Dil Ki Baat Hum He Un K Gosh-Guzaar Na Kar Sakay
Apni Dharkanon Ki Betarteebi ka Saamaan Khud Kiya
Chahat To Bohat Thee Per Unhaen Pyaar Na Kar Sakay
Kat'tay They Din Raat Bus Unn Ki He Yaadon Maen
Phir Bhi Bayaan Apnay Dil K Hum Asraar Na Kar Sakay
Sitam Kar K Chal Dia Woh Kisi Aur Ka Humdum Ban K
Aansoun Say Tab Hum Mazeed Udhaar Na Kar Sakay
Mohsin! Abb To Tum Kham’shi ko Bana Lo Sheva
Ta k Tumhari Koi Bat Unn Ka Dil Aazaar Na Kar Sakay