main ne is taur se aksar tujhe chaha janan
jaisay mahtab ko be ant samander chahe
jaisay sooraj ki kiran seep ke dil main utray
jaisay khushboo ko hawa rang se hat ker chahe
jaisay ghunchay khilay mausam main hina mangtay hain
jaisay khabon main khayalon ki kaman tootti hai
jaisay barish ki dua abla pa mangtay hain
mera her khawb mere sach ki gawahi de ga
wusat-e-deed ne tujh se teri khahish ki hai
meri sochon main kabhi dekh sarapa apna
main ne duniya se alag teri purastish ki hai
tum ko maulaoom bhi shaid yeh kabhi ho keh na ho
meri raatain teri khabon se saji rehti hain
meri ankhon main tera sapna basa rehta hai
meri sochon main tera aks basa rehta hai
isi tarah mere dil ke bohat paas ho tum
jaisay paas hi she rag ke KHUDA rehta hai
tum ko mauloom bhi shaid yeh kabhi ho keh na ho
keh tum hi mera sab kuch ho.......... ......... ....