ye aarzu hii rahi koii aarazu karate
Khud apani aag mein jalte jigar lahu karte
tere jamal ka partau nigaah mein hota
kabhii saba se kabhi gul se guftagu karte
tere Khayal mein gum hoke ek Gazal kehte
aur us Gazal ko na rusva ku-ba-ku karate
ham ahl-e-dil ko bohat tha ye nashsha-e-Gam bhi
usi sharaab se raushan subu-subu karte
ye ehataram-e-junun hai ki sii liya daman
vagarnaa ek tamasha-sa ku-ba-ku karte
hamen yaqin hai ki gar tu qarib bhi hota
to door jake kahin teri justju karte