 is se pahale ke bevafaa ho jaaye.n | |
is se pahale ke bevafaa ho jaayen
kyon na ai dost ham judaa ho jaayen
tuu bhii hiire se ban gayaa patthar
ham bhii kal kyaa se kyaa ho jaayen
ham bhii majabuuriyon kaa uzr karen
aur kahiin aur mubtalaa ho jaayen
ham agar manzalen naa ban paayen
manzalon tak ka raasta ho jaayen
dair say soch mein hain parwanay
rakh ho jaayen, ya hawa ho jaayen
ishq bhii khel hai nasiibon kaa
Khaak ho jaayen kimiyaa ho jaaye.
ab ke gar tuu mile to ham tujh se
aise lipaten terii qabaa ho jaayen
bandagii ham ne chhorh dii hai 'Faraz'
kyaa karen log jab Khudaa ho jaayen
__________________
Mujay sahiloon py talash na kar ay dost
Mai satah-e-aab py nahin gahraeeoon mai hoon
|