kuchh faisalaa to ho k kidhar jaanaa chaahiye
paanii ko ab to sar se guzar jaanaa chaahiye
har baar e Diiyon pe giraa hai meraa lahuu
maqtal main ab be-tarz-e-digar jaanaa chaahiye
kyaa chal sakenge jin kaa faqat mas'laa ye hai
jaane se pahale rakht-e-safar jaanaa chaahiye
saaraa jvaar bhaaTaa mere dil mainn hai magar
ilzaam ye bhii chaand ke sar jaanaa chaahiye
jab bhii gaye azaab-e-dar-o-baam thaa vahii
aaKhir ko kitanii der se ghar jaanaa chaahiye
tohamat lagaa ke maan pe jo dushman se daad le
aise suKhan farosh ko mar jaanaa chaahiye
-----------------------------