/peh /dance /hayjamalo /ura
Abhii to main Javaan hooN
/peh /dance /hayjamalo /ura

havaa bhi Khushagavaar hai, gulon pe bhii nikhaar hai
tarannumain hazaar hain, bahaar purbahaar hai
kahaan chaalaa hai saaqiyaa, idhar to lauT idhar to aa
are ye dekhataa hai kyaa, uThaa subuu, subuu uThaa


subuu uThaa piyaalaa bhar, piyaalaa bhar ke de idhar
chaman kii simt kar nazar, samaaN to dekh beKhabar
vo kaalii-kaalii badaliyaaN, ufaq pe ho gaii ayaaN
vo ik hajuum-e-maikashaa.N, hai suu-e-maikadaa ravaaN
ye kyaa gumaaN hai badagumaa.N, samajh na mujhako naatavaa.N
Khayaal-e-zohd abhii kahaa.N - abhi to mai.n javaan huu.N


ibaadato.n kaa zikr hai, nijaat kii bhii fikr hai
junuun hai sabaab kaa, Khayaal hai azaab kaa
magar suno to shaiKh jii, ajiib shay hai.n aap bhii
bhalaa shabaab-o-aashiqii, alag hue bhii hain kabhii


hasiin jalavaarez hon, adaayeN fitanaaKhez ho.n
havaayeN itrabez hon, to shauq kyuuN na tez hon
nigaarahaa-e-fitanaagar koi idhar, koi udhar
ubhaarate ho aish par, to kyaa kare koii bashar
chalo jii qissaa muKhtasar, tumhaaraa nuktaa-e-nazar
durust hai to ho, magar - abhi to main javaan huu.N



na Gham kashuud-o-bast kaa, bala.nd kaa na past kaa
na buud kaa na hast kaa, na vaadaa-e-alast kaa
ummiid aur yaas gum, havaas gum qayaas gum
nazar se aas-paas gum, hamaa bajuz gilaas gum


na mayh me.n kuchh kamii rahe, qadaa se hamadamii rahe
nishast ye jamii rahe, yahii hamaahamii rahe
vo raag chheD mutaribaa, tarab-fizaa alam-rubaa
asar sadaa-e-saaz kaa, jigar me.n aag de lagaa
har iklab pe ho sadaa na haath rok saaqiiyaa
pilaaye jaa pilaaye jaa, pilaaye jaa pilaaye jaa ...


/peh /dance /hayjamalo /ura
Abhii to main Javaan hooN
/peh /dance /hayjamalo /ura


ye gasht kohasaar kii, ye sair juu-e-vaar kii
ye bulbulon ke chahachahe, yeh gul_ruKhon ke qeh-qahay
kisii se mel ho gayaa, to ranj-o-fikr kho gayaa
kabhii jo vaqt so gayaa, ye haNs gayaa vo ro gayaa


ye ishq kii kahaaniyaa.N, ye ras bharii javaaniyaaN
udhar se meharabaaniyaaN, idhar se LantaraaniyaaN
ye aasamaan ye zamiin, nazzaraahaa-e dilanasheen
unhen hayaat aafareen, bhalaa main chhor dooN yaheen
hai maut is qadar qareen, mujhe na aayegaa yaqeen
nahii.n nahii.n abhii nahii.n, nahii.n nahii.n abhii nahii.n


/peh /dance /hayjamalo /ura
Abhii to main Javaan hooN
/peh /dance /hayjamalo /ura