Ghum Ki Barish Ne Bhee Teray Naqsh Ko Dhoya Nahin
Ghum Ki Barish Ne Bhee Teray Naqsh Ko Dhoya Nahin
Tu Nay Mujh Ko Khoo Diya, Mainay Tujhay Khoya Nahin
Neend Ka Halka Gulabi Saa Khumaar Ankhon Main Tha
Yuun Laga Jaisay Woh Shab Ko Deir Tak Sooya Nahin
Har Taraf Dewar O Dar Or Inn Main Aankhon Ke Hajoom
Keh Sakay Jo Dil Ki Halat Woh Lab-e Goyaa Nahin
Jurm Adam Ney Kiya Or Nasl-e-Adam Ko Sazaa
Kaatt Ta Hoon Zindagi Bhar Jo Mainay Boyaa Nahin
Jaanta Hoon Ik Aisay Shakhs Ko Main Bhee
Ghum Se Pathar Ho Gaya Lekin Kabhi Rooya Nahin