Urdu Poetry Forum

Jis bazm mein tu naaz say guftaar mein aaway,
Jan kalbud-e-Soorat deewar mein aaway...


Saye key tarhe sath phiren hain sarv-o-Sanobar,
Tu is qad dilkash say jo gulzaar mein aaway...

Tay naaz-e-Girann mayegi-e-Ashk bja hai,
Jab lakht-e-Jigar deeda-e-Khunbaar mein aaway...

Day mujhko shikayat key ijazat k sitamgar,
Kuchh tukh ko bhi maza mere aazar mein aaway...

Us chashm-e-Fusoon-Gar ka agar paye ishara,
Tooti k tarhe aaina guftaar mein aaway...

Kaanton key zaban sookh gayi pyas say Ya Rab!
Ik aabla-paa wadi-e-Purkhaar mein aaway...

Mar jaun na kyun rashk say jab woh tan-e-Naazuk,
Aaghosh-e-Kham-e-Halqa-e-Zunnaar mein aaway...

Ghaarat gar-e-Namoos na ho gar hawwas-e-Zar,
Kyun shahid-e-Gul bagh say bazaar mein aaway...

Tub chaak-e-Girebann ka maza hai dil-e-Nallann,
Jab ik nafas uljha hua her taar mein aaway...

Aatishkadah hai seena mera raaz-e-Nihann say,
Day waye, agar maariz-e-Izhaar mein aaway...

Ganjeena-e-Ma'ani ka tilism usko samjhiyeh,
Jo lafz k Ghalib! mere ashaar mein aaway...




Yeh ghazal mujhko bohut passand hai...