Dost ghumkhwari mein meri saie farmaayen gay kya,
Zakhm k bharnay talak nakhun na barh jayen gay kya...

Bay nayaazi hadd say guzri banda parwar kab talak,
Hum kahen gay hal-e-Dil or ap farmayen gay kya...

Hazrat-e-Naseh gar aayen, Deeda-o-Dil farsh-e-Rah,
Koi mujh ko yeh toh samjha do k samjhayen gay kya...

Aaj wan taigh-o-Kafan bandhay huay jata hun main,
Uzar mere qatl karnay mein woh ab laayen gay kya...

Gar kiya naseh nay hum ko qaid, Achha yun sahi,
Yeh junoo-e-Ishq k andaz chhut jayen gay kya...

Khana zaad-e-Zulf hain, Zanjeer say bhagen gay kya,
Hain giriftaar-e-Wafa, Zindann say ghabrayen gay kya...

Hai ab is ma'amooray mein qeht-e-Ghum-e-Ulfat Asad!
Hum nay yeh mana k Dilli rahen, Khayen gay kya...