hazaroo.n khwahishain aisi k har khwahish pe dam nikley
bohat nikley merey armaan laken phir bhi kum nikley

darey kyu mera qatil? kiya rahey ga us ki gardan per?
wo khoo.n jo chashm_e ter sey um'r bhar yoon dum-ba=dum nikley

nikalna khuld sey Aadam ka suntey aay hain lekin
bohat be-abro ho k terey kochey sey hum nikley

bharam khul jaay ga zalim teri qamat ki daraazi ka
agar is tarha per paich_o kham ka paich_o kham nikley

magar likhway koi us ko khat tu hum sey likhwaay
hoi subhu, aur ghar sey kaam per rakh kar qalam nikley

hoi is door main mansoob mujh sey bada-aashami
phir aaya wo zamana jo jaha.n main jaam_e jum nikley

hoi jin sey tawaqqu khastagi ki daad paaney ki
wo hum sey bhi zayada khasta_e taigh_e sitam nikley

mohabbat main nahi hay farq merne a ur jeene ka
usi ko deekh k jeetey hain jis kafir pe dum nikley

Khuda k wastey parda na Kabey sey utha zalim
kahee.n aisa na ho yaa.n bhi wohi kafir sanam nikley

kahan meh-khane ka darwaza Ghalib aur kahan va'iz
per itna jaanety hain kal wo jata tha k hum nikley