shouq har rang raqeeb-e sar-o samaa.n nikla
Qais tasweer k pardey main bhi uriyaa.n nikla

zakhm nay daad na di tangi_e dill ki YaRub
teer bhi seena-e bismil sey pur-afshaa.n nikla

bo_e gull, nala_e dill, dood_e charagh_e mehfil
jo teri bazm sey nikla, so pareshaa.n nikla

dill hasrat zada tha ma'aeda-e lazzat_e dard
kaam yaroo.n ka, baqdr_e lub-o dandaa.n nikla

thi no amooz_e fana himmat dushwaar passand
sakht mushkil hay k ye kaam bhi Aasaa.n nikla

dill main phir garya nay ik shor uthaya Ghalib
Aah jo qatra na nikla tha, so tofaa.n nikla