 Re: thora sa muskura do | |
Labon main akay kulfi hogaye ashaar sardi main
Ghazal kehna bhi abb toh hogiya dushwar sardi main
Mahalay bar k bachoun nay dhakela subah dam uss ko
Magar hoti nahi start apni car sardi main
May or June ki garmi main jo dilbar ko likha tha
Uss khat ka jawab aya akhar kar sardi main
Duwa dey dey k khansi or nazlay ki mareezon ko
mualij khud becharay par gaye bemar sardi main
Kai ahl-e-nazar iss ko bhi Disco ki ada samjhay
Bechara kapkapaya jab koi funkar sardi main
Yehi tu choorioun or waradaton ka zamana hai
K bethay taptay hain Aag pehray dar sardi main
Laho ko iss tarah abb garam rakhta hai mera shaheen
Kabhi chaye, Kabhi Cigrette, Kabhi naswar sardi main |