 Re: thora sa muskura do | |
Khat mila hai mujhe Urdu ki kisii mahfil meN
paRhke ranjoor huaa Tiis si uThatii hai dil meN
Khat meN mausoof ne likhkha hai mujhe “how are you”
haiN woh ik ahl-e suKhan unki zubaaN hai Urdu
aage likhkha hai ke kyoN mujhe pe hai sustii ka “blame”
aap masroof haiN aour maiN bhii yahaN ''all the same”
aap ne ek ghazal “send” jo ki thii parsoN
maiN ne do baar “really” woh paRhii thii parsoN
us ka har sher mujhe “best” nazar aata hai
“heart” meN siidha har ik sher utar jata hai
aapke sheroN meN insaan ki “feeling” hai nihaaN
jo bhi kahte haiN bahut Khoob hai ''zawaid'' miyaaN
waise har sher ki “reading” se hi aata hai maza
maiN ne par matla-o-maqte ko bahut “like” kiya
"i swear" aapke sheroN ka hai aNdaaz “superb”
“really” aap ki hai fikr ki parwaaz “superb”
aapki ghazaloN se milta hai mire “heart” ko chain
“send again and again and again and again”
Khat ko paRhte hi raha josh ka mere nah hisaab
main ne bhi likh diya unki hi zubaaN meN ye jawaab
“thanks” ke aap ne ashaar mire “like” kiye
mere “couplets” paziiraai ke qabil to na the
“weldone” aap ne kah kar mire taariif jo ki
is se himmat mirii kuchh aour baRhii aour baRhii
mirii har fikr thii saada mira har sher sapaT
aap ne phir bhi kiya “like” unheN “thanks a lot”
''Jawaid'' Badauni  |