Urdu Poetry Forum

:::-:::-:::-:::-:::-::::::-:::-:::-:::-:::-:::

subha

aaj k din ka aaghaz kuch yuN hua,
hasb-e-maamool meN,
subha-dam suraj ugney se kuch der pehlay utha,
aab-e-hairat se (chehry pe jamti hui),
raat k na-mukamal se khaboN ki gard aur thakan dur ki,
aur phir us ki yadoN ko sota hua choR kr,
subha ki sair ko chal diya,
shehr-e-jaaN se pary, kuch muzafaat meN,
ik khander k kareeb,
waqt ki raah se chand kankar utha'ay,
aur aahista aahista behti hui, zindgi ki nadi meN, sabhi
aik ik kr k aisy gira'y,
k kuch der wo dubtay aur ubherty rahy,
aakhirash is nadi ki tahoN ki taraf kho ga'ay,


aur maiN apny ghar ki taraf chal diya...

:::-:::-:::-:::-:::-::::::-:::-:::-:::-:::-:::