05-05-2008, 09:44 PM
|
 | neva~mind... | | Join Date: Jun 2006 Location: Islamabad
Posts: 5,612
Thanks: 249
Thanked 51 Times in 47 Posts
Rep Power: 1689 | |
 Ghazal - sara din, din k taaqub meiN chali aati rahi | |
As-salam-o-alaikum dosto!!!
aaj aap se aik ghazal share kr raha huN, umeed hy aap paRheN gy aur apni ra'ay se nawazeN gy... to arz kiya hy:  sara din, din k taaqub meiN chali aati rahi,
raat bher phir apny paoN sehlaati rahi.
din musalsal tery gham ki sa'ataiN lata raha,
raat sari qaafia paimaei meiN jati rahi.
ishq ham ko ik gali aur aik der tak le gya,
aql ham ko nit-na'ay rasty hi dikhlati rahi.
ab kahaN aty haiN ansu ankh meiN, gham hoNt pr
wo teri khawhish hi thi, jo in ko uksaati rahi
maaN ki janib dekhty hi dekhty sab so ga'ay
khali bertan se wo shab-bher in ko behlati rahi
__________________ ======================================== jo khud ko smjha beTha ho, ab usko smjha'y kon
kya ab bhi malum na hota, apny kon, pra'y kon
us basti se chand sitary, titli jugnoo miltay haiN,
lekin aik pryshani hy, us basti meiN ja'ay kon??? sb se zyada pyar hy tm se, lekin apni zat se km,
schi bat yhi hy pyary! jhoTi qsmeN kha'y kon... ======================================== (Ejaz Shakir)
Last edited by WanderingThoughts; 05-06-2008 at 07:16 AM.
|
