==================== =
jab sdaa uTThi k "ab khamoshi"
ik tzab-zub meiN thi tab khamoshi

aabla-paa hui meri aawaaz
kis musafat pe hy ab khamoshi

log to sunty rahy san'naata
mujh se kehti gaei sab, khamoshi

TooT ja'ay na ye aa'eina-e-khawb
rooTh hi ja'ay na ab khamoshi

neind meiN Dooby hu'ay ahiN alfaaz,
aaj Dhaa'ay gi ghazab khamoshi

haalat-e-ghair meiN hy tanhaei
aur hy mohr-ba-lab khamoshi

dil na faizan lagy mehfil meiN,
rooh pr cha'ei ho jab khamoshi
==================== =

-------------------------------------------------
Bedil libaas-e-zeest bohat deeda-zeb tha
aur ham ne is libaas ko ulTa pehan liya...

(Bedil Haidri)