Urdu Poetry Forum

Sincere_aish · #1 02-10-2006, 04:10 PM

Assalaam o alaikum...kaise hain aap sab???khairiyat ki umeed rakhti hoon aur khairiyat hi ki dua kerti hoon...Main ne pehle bhi ye thread post ki thi magar Hacker's attack ki waja se delete ho gayi...khair koi baat nahin...Dobara se usi topic ZAAT PAAT ko likh to rahi hoon per wohi alfaaz nahin hain jo pehle ki ppost mein the per koshish karoon gi k jo main kehna chahti hoon usay aap log samajh sakein...Acha to ab shuroo kerti hoon...
Akser ouqaat sunnane mein aata hai k falaan zaat k bande ne falaan zaat k bande ka qatl ker diya...Kisi dogar ne kisi dar ka qatl ker diya sirf zaati laraayi ki buniyaad per...Eik zaat k log apne aap ko doosri zaat k logon se afzal samajhte hain jab k ye bilkul ghalat hai...Eik zaat k log ye samajhte hain k un ki zaat sab se aala hai...aur doosri zaat k logon ko apne se kamtar samajhte hain...Kya ye jaahiliyat nahin hai???Kamtar ya afzal hona to TAQWA per depend kerta hai k kon kitna muttaqi hai...Kiun aaj hamare zehnon mein zaat ka zehar bhar diya gaya hai???Kiun aaj hum doosri zaat k logon ko apni zaat k saamne kuch nahin samajhte???Kiun hamare moashre mein zaat ko itni ehmiyat di jaati hai???KIUN...AAKHIR KIUN...
Main ne bohat dafa apne parents se is baare mein poochne ki koshish ki hai k hamare haan zaat ko itni ehmiyat kiun di jaati hai to ye keh ker chup kara detay hain k hamara moashra aisa hi hai...Main poochti hoon k kya hum hi woh insaan nahin jinhon ne is moashre ko banaya hai aur hum hi woh insaan hain jo is moashre ko bana aur bigaar sakte hain...Magar himmat kon kare...Hum itne sust aur kaahil ho gaye hain k apna kaam bhi doosron se kerwaate hain...Hum mein himmat nahin hai k hum is moashre se lar sakein...Main sochti hoon k jab humein pata ho k hum sahi aur ALLAH k bataye huay raaste per chel rahein hain to hum is moashre se to kya is poori duniya se bhi lar sakte hain...per sahi raaste per aaj kal chelta kon hai...HUm to us QURAN_E_PAAK ko jo mukamal zaabta_e_hayat hai,jo KHUDA ne rehti duniya k liye utaara,jo rehnumaayi hai poori UMMAT_E_MUHAMMED (SAW) per,us ki taalimaat ko to hum bhool hi gaye hain...
Aaj is zaat paat ki badolat hum nafrat kerte hain doosri zaat k logon se aur isi ki waja se aaj hum muttahid nahin hain...Muttahid to tab hon jab dil mein doosre insaano k liye mohabbat ho...Magar isi zaat paat ki waja se log eik doosre ki qeemti jaanein bhi lene se nahin rukte...Kya hamari Islaami taalimaat yehi hain k zaat ko afzal jaante huay doosre bande ka qatl ker do...
ALLAH k nazdeek to sab insaan barabar hain...ALLAH ne to nasb ya khandaan ki bina per fakhr kerne ko naapasand fermaya hai...Is qism k fakhr se eik doosre k saath nafrat aur dushmani ki buniyaadein parti hain...ALLAH ne khandaan aur qabaayil k lehaaz se insaano mein jo farq rakha hai woh guroor k liye nahin bul k eik doosre ko pehchaanane k liye hai jaisa k IRSHAAD_E_RABBANI hai:
"Ae logo!Bila shuba HUM ne tumhein eik mard aur aurat se paida kiya aur tumhare khandaan aur baradariyan banaein taa k tum eik doosre ko pehchaan sako.Bilashuba ALLAH k nazdeek tum mein se zyada izzat wala woh hai jo tum mein se zyada perhezgaar hai.Bilashuba ALLAH hi khoob jaanane wala khabardaar hai."
Bachpan se le ker ab tak hum ye parhte aaye hain k HAZRAT MUHAMMED (SAW) ne farmaya:
"Arbi ko ajmi per,ajmi ko arbi per,gore ko kaale per aur kaale ko gore per koi baraayi haasil nahin.Baraayi ka maayaaar naiki aur khof-e-KHUDA hai.Tum sab Aadam ki aulaad ho aur Aadam mitti se bane the."
Kya ye baatein sirf kehne ki hi theen???Agar sirf kehen hi ki theen to humein ye kiun sikhaein gayeen...Hum mein se bhi kuch log to seekh gaye aur kuch log to aise bhool gaye jaise unhon ne kabhi ye baatein apni zindagi mein suni hi naa hon...
Doosron se apne aap ko buland kerne aur imtiyaz haasil kerne ki khuahish insaan ki fitri kamzori hai...Har insaan ki fitri tor per ye khuahish hoti hai k woh logon ki nazar mein acha aur buland martaba ho,log us ko izzat ki nigaah se dekhein aur moashre mein us ka ba_izzat maqaam ho...Isi fitri khuahish ki waja se har dor aur har moashre mein log izzat o fazeelat ka mayaar banate rahe...Kisi ne rang o nasal ko baa_is-e-fakhr samajh liya,kisi ne zabaan aur ilaaqe ki afzaliyat hi ko sab kuch samajh liya,kisi ne ye khayal ker liya k jis k paas dolat hai isi ki izzat hai,koi apne ilm-o-hunar aur ohde per nazaaaan hone laga...Lekin Islam ne in sab imtiyazaat ko yaksar ghalat qaraar diya...Islam ki nazar mein in mein se koi imtiyaz bhi durust nahin hai...Islam ne tamaam ghalat imtiyazaat ko mita ker sirf eik mayaar muqarrar kiya k jo zyada perhezgaar hai wohi zyada izzat wala hai...
Aaj hum musalmaano mein ittehad nahin hai to woh sirf aur sirf isi zaaton ki waja se hai...Ye sabhi jaante hain k ittehaad mein barqat hai jo millat-e-Islamiyah ki tarraqi aur salaamti ka zaamin hai jab k naa ittefaaqi aur inteshaar millat ki pasti ka baa_is hai...Aaj duniya mein musalmaan eik arb k qareeb hain lekin muttahid nahin bul k muntashir hain jis ki waja se duniya mein un ki qadr-o-qeemat nahin,koi taaqat aur quwat nahin halaan k hamara KHUDA eik hai,Rasool eik hai,Kitaab eik hai,Qibla eik hai aur phir sab ki Munfa-at eik hai lekin garohi ta-asubaat aur aapas k ikhtalafaat k daldal mein phanse huay hain...Syed Jamal-ud-Din Afghaani ne itne dukh k saath ye baat kahi aur aaj main ye baat itne dukh k saath keh rahi hoon:
"Musalmaanon ne is baat per ittefaq ker liya hai woh kabhi ittefaq nahin karein ge."
HOW SAD...
Munfa-at eik hai is qom ki aur nuksaan bhi eik
Eik hi sab ka Nabi,deen bhi,imaan bhi eik
Harm-e-paak bhi,ALLAH bhi,Quran bhi eik
Kuch bari baat thi,hote jo musalmaan bhi eik
Firqa bandi hai kahein aur kahein zaatein hain
Kya zamaane mein pinapne ki yehi baatein hain?
Quran-e-paak mein ALLAH ka irshaad hota hai:
"Ae musalmaano!Yaad karo ALLAH ki us naimat ko k tum baahmi dushman the to ALLAH ne is Quran aur deen-e-Islam ki badolat tumhare dilon mein ulfat daal di aur tum aapas mein bhai bhai ban gaye."
Ulfat...Ulfat kya hoti hai???Is duniya mein ulfat hai baki doosre bande k liye???aur bhai...bhai kya hota hai...Main ne to is ka naam pehli dafa suna hai...Kon hai bhai???Aaj kal to eik baap ko apni beti se mohabbat nahin hoti to kisi aur se kya ho gi...Baap apni betiun ko is zaat ki waja se qatl ker detay hain...Kal main ne eik qissa suna Pakistan mein jahan main rehti hoon wahan ka hai...Mera dil dehal gaya woh qissa sun ker...Aankhon ne to kya dil bhi khoon k aansoo roya...Main ne kabhi socha bhi nahin tha k eik baap apni beti ko itni bedardi se bhi qatl ker sakta hai...Us beechari ka kya qasoor tha sirf yehi k us ne kisi aur zaat k larke ko pasand kiya...Mohalle waalon ne kaha k dono ki shaadi kerwa do to baap ne kaha k nahin woh hamari zaat ka nahin hai aur apni beti ko bedardi se maar diya k koi tassawar bhi nahin ker sakta...Kya itna be reham baap bhi ho sakta hai jisse zara reham naa aaya apni beti ko qatl kerte huay...Chalo qatl hi kerna tha to usay koi aasaan si mot deni thi aisi mot kiun di k woh beechaari shayed hi apne baap ko maaf kare QAYAMAT k roz...Kaash k main aap logon ko woh qissa poori tafseel se suna sakti magar mujh mein itni himmat nahin hai k main is qisse k baare mein eik lafz bhi likh sakoon...
Main nafrat kerti hoon aise moashre se jis mein baap apni aulaad ko bhool jata hai...Jis mein insaaniyat ka jazba hi nahin hai...Hum apne aap ko kehte to musalmaan hain per kya hum musalaam nahin???Hum ne to abhi dil se Islam qabool kiya hi nahin hai...KHUDA k Rasool (SAW) ne humein ye taleemaat to nahin dein theen...US KHUDA ne jis maqsad k liye ye zaatein aur khandaan banaye the us maqsad ko to hum bhool hi gaye hain...Us ne to sirf zaatein aur khandaan hamari pehchaan k liye banayi theen aur hum ne inhein hi sab kuch samajh liya...Kitni ghalat soch hai hamari...Kya hum sirf musalmaan nahin hain???Kiun hum ne apne aap ko in be-reham zaaton mein baanta hua hai???Kiun hum mein se insaaniyat ka jazba khatam hota ja raha hai???Kiun hum doosre bande ka khayal nahin rakhte sirf isi waja se k woh hamari zaat ka nahin hai...Ufffffffffffff ff kitni ghathiya soch hai hamari...
Apni post ka ikhtamaam is dua se karoon gi:
Ae KHUDA! humein sacha musalmaan bana...Hamare ander se ye zaaton ka tassawar khatam ker de aur humein aisa bana k humein fakhr ho apne musalmaan hone per.Humein hidayat de..xxxx shak hum gunaah gaar bande hain magar TU bhi bara RAHEEM_O_KAREEM hai...TU sab se bara maaf farmaane wala hai...Humein maaf ker de...AAMEEN...SUMMA AAMEEN...
Aap sab ki raaye ki muntazir hoon...Apni duaon mein is haqeer si ALLAH ki bandi ko bhi yaad rakhiye ga...Wasalaamz...
...Aish...

**Qulandri_BABA** · #2 02-11-2006, 08:12 PM

aoa

Baat to such haa magar baat ha ruswai kee

Baat to app na achi kee and Dua to Allah sa hamari bhee yia he haa ka Muslims main unity atta farmay, amen. So jahan DUA ke zaroorat ha to wahan AMAL bhee karna chayia and sub sa pahla apni zaat sa start karna chayia. App, main and degar dosraa members baqi qoom ko choor ka sirf apna app ko theek kar lain to hamari zaat sa qareeb rehnaa wala khud ba khud achi baat pick kar lain gaa and silsala chal para gaa ( Tabhligi jamatoon ke khamoosh tahreeq jo iss waqt pakistan main chal rehi ha ko mada nazar rakha jayia). So jis tarhan qatra qatra daryia bantaa haa same issi tarhan hum in burayion ka khalaf khara ho saktaa hain

Abb app ke dosi baat ka zaat baradri ka hawalaa saa to iss ka jawab kia doon

.

Zaat baradri ka chakar sirf hum loogoon main hee nehi yia chakar to even Whites main bhee haa. Yia alag baat ha ka secular contries hoona kee waja iss ka rujhan in main kafi haad tak kaam and hamara haan kafi ziada haa. Lakin app White people sa milain jo family values rakhtaa hain to bhee kafi proud hoota hain and asa hee hir kisi ko apni family main anna nehi daata. So yia to aik universal truth ke tarhan haa ka hir koi apni baradri pa fakhar kartaa haa

Now app ka sawal ka islam ka mana karna ka bawajood hum loog iss main buri tarhan uljha hua kion hain to iss kee kai wajoohaat hain.

pahli to yia ka hamara haan loogoon ko islam ke sehi teachings ka ilm nehi. Wo ARBI parh to laataa hain lakin uss ka meanings sa nabald rehtaa hain. So speed to achi hooti haa lakin samajh kuch nehi atti. Abb loogoon main rujhan barh reha haa ka quran ko samjh ka parha jayia to hopefully iss silsala main behtari ayia g

Second yia ka agar app partitioin sa pahlaa ka daur dakhain and khusoosan wo daur jub Muslim Auylia majood thaa to hum sub na parha ha ka un ka haatoon paa lakhoon loogon na islam qabool kia. Hum iss main khush rehtaa hain ka mashallah sa wo buzark bohat kuch kar ghay orr yia baat nazar andaz kar daata hain ka uss daur ka loogon ka rehan sehan kasa thaa. Kia islam laana ka baad unho na apna tarz e zindagi change kia to asa bilqul nehi huaa. uss daur main loog asa rehtaa thaa jasa ajj bhee loog Sindh, Punjab and Baluchistan main rehtaa hian. Rajaaa, Maharajaa, Badshaa loogoon paa hukomaat kartaa tha and jub wo Islam qabool kartaa thaa to un ka under jitnaa loog thaa wo bhee BAIT kar lia kartaa thaa. Naam change ho jaataa thaa lakin rehan sehan ka andaz nehi badaltaa thaa. Traditions wasa hee chalti rehti theen. Sub continant ka musalman yia to Sikhoon sa Muslim hua hain yia Hindu sa Muslim. Abb Muslim to ho ghay lakin traditions nehi chooreen. So abb problem hamara samna khari haa

Yia zaat paat ka rujhan iss waqt bhee Hindus and Sikhs main kafi ziada haa. App ko agar india jaana ka moqa milaa to app khud dakh sakti hian ka app ko pakistan main wo sub kuch hoota mila gaa jo india main hoota haa.

Hope satisfy kar saka hoon gaa

Wasalam

BABA

Sincere_aish · #3 02-12-2006, 03:04 PM

Quote:

Originally Posted by Qulandri_BABA

aoa

Baat to such haa magar baat ha ruswai kee

Baat to app na achi kee and Dua to Allah sa hamari bhee yia he haa ka Muslims main unity atta farmay, amen. So jahan DUA ke zaroorat ha to wahan AMAL bhee karna chayia and sub sa pahla apni zaat sa start karna chayia. App, main and degar dosraa members baqi qoom ko choor ka sirf apna app ko theek kar lain to hamari zaat sa qareeb rehnaa wala khud ba khud achi baat pick kar lain gaa and silsala chal para gaa ( Tabhligi jamatoon ke khamoosh tahreeq jo iss waqt pakistan main chal rehi ha ko mada nazar rakha jayia). So jis tarhan qatra qatra daryia bantaa haa same issi tarhan hum in burayion ka khalaf khara ho saktaa hain

Abb app ke dosi baat ka zaat baradri ka hawalaa saa to iss ka jawab kia doon

.

Zaat baradri ka chakar sirf hum loogoon main hee nehi yia chakar to even Whites main bhee haa. Yia alag baat ha ka secular contries hoona kee waja iss ka rujhan in main kafi haad tak kaam and hamara haan kafi ziada haa. Lakin app White people sa milain jo family values rakhtaa hain to bhee kafi proud hoota hain and asa hee hir kisi ko apni family main anna nehi daata. So yia to aik universal truth ke tarhan haa ka hir koi apni baradri pa fakhar kartaa haa

Now app ka sawal ka islam ka mana karna ka bawajood hum loog iss main buri tarhan uljha hua kion hain to iss kee kai wajoohaat hain.

pahli to yia ka hamara haan loogoon ko islam ke sehi teachings ka ilm nehi. Wo ARBI parh to laataa hain lakin uss ka meanings sa nabald rehtaa hain. So speed to achi hooti haa lakin samajh kuch nehi atti. Abb loogoon main rujhan barh reha haa ka quran ko samjh ka parha jayia to hopefully iss silsala main behtari ayia g

Second yia ka agar app partitioin sa pahlaa ka daur dakhain and khusoosan wo daur jub Muslim Auylia majood thaa to hum sub na parha ha ka un ka haatoon paa lakhoon loogon na islam qabool kia. Hum iss main khush rehtaa hain ka mashallah sa wo buzark bohat kuch kar ghay orr yia baat nazar andaz kar daata hain ka uss daur ka loogon ka rehan sehan kasa thaa. Kia islam laana ka baad unho na apna tarz e zindagi change kia to asa bilqul nehi huaa. uss daur main loog asa rehtaa thaa jasa ajj bhee loog Sindh, Punjab and Baluchistan main rehtaa hian. Rajaaa, Maharajaa, Badshaa loogoon paa hukomaat kartaa tha and jub wo Islam qabool kartaa thaa to un ka under jitnaa loog thaa wo bhee BAIT kar lia kartaa thaa. Naam change ho jaataa thaa lakin rehan sehan ka andaz nehi badaltaa thaa. Traditions wasa hee chalti rehti theen. Sub continant ka musalman yia to Sikhoon sa Muslim hua hain yia Hindu sa Muslim. Abb Muslim to ho ghay lakin traditions nehi chooreen. So abb problem hamara samna khari haa

Yia zaat paat ka rujhan iss waqt bhee Hindus and Sikhs main kafi ziada haa. App ko agar india jaana ka moqa milaa to app khud dakh sakti hian ka app ko pakistan main wo sub kuch hoota mila gaa jo india main hoota haa.

Hope satisfy kar saka hoon gaa

Wasalam

BABA

Walaikum Assalaam...
haan ji ye to aap ne bilkul theek kaha k sab se pehle apni zaat se shuroo kerna chahiye to main ne sab se pehle apni zaat se hi shuroo kiya hai...main in sab zaaton ko nahin maanti...main kehti hoon k hum sab sirf aur sirf musalmaan hain aur agar is k baad kuch aata hai to woh ye hai k hum pakistani hain...is k ilawa kuch nahin...naa main dogar hoon aur naa main rajpoot aur naa hi main kisi aur zaat se belong kerti hoon...aur naa hi zaat ko main apne aap se jorna chahti hoon...whites mein to hota hi un mein to aur bhi bohat si buraaiyan hoti hain to kya jo cheezein whites mein hain woh hum mein hona zaroori hain???hum musalmaan hain aur hamara mazhab khandaano aur baradariun ko nahin maanta to hum musalmaan KHUDA ki batayi hui taleemaat per amal kiun nahin kerte???nahin woh hindu the un ki to taleemaat hi aisi theen per hum musalmaano ki taleemaat to ye nahin hain...Kiun nahin hai hamare haan logon ko ISlam ki taleem???beghair islam ki taleem k kya hum musalmaan kehlaane k qaabil hain???phir to humein koi haq hi nahin banta k hum musalmaan kehlaein jab humein pata hi nahin hai k hamara Islam,hamara Quran,hamara ALLAH humein kis baat ki taleem deta hai...no i m not satisfied...waise thanks parhne k liye...

**Qulandri_BABA** · #4 02-13-2006, 12:22 AM

Quote:

Originally Posted by Sincere_aish

Walaikum Assalaam...
haan ji ye to aap ne bilkul theek kaha k sab se pehle apni zaat se shuroo kerna chahiye to main ne sab se pehle apni zaat se hi shuroo kiya hai...main in sab zaaton ko nahin maanti...main kehti hoon k hum sab sirf aur sirf musalmaan hain aur agar is k baad kuch aata hai to woh ye hai k hum pakistani hain...is k ilawa kuch nahin...naa main dogar hoon aur naa main rajpoot aur naa hi main kisi aur zaat se belong kerti hoon...aur naa hi zaat ko main apne aap se jorna chahti hoon...whites mein to hota hi un mein to aur bhi bohat si buraaiyan hoti hain to kya jo cheezein whites mein hain woh hum mein hona zaroori hain???hum musalmaan hain aur hamara mazhab khandaano aur baradariun ko nahin maanta to hum musalmaan KHUDA ki batayi hui taleemaat per amal kiun nahin kerte???nahin woh hindu the un ki to taleemaat hi aisi theen per hum musalmaano ki taleemaat to ye nahin hain...Kiun nahin hai hamare haan logon ko ISlam ki taleem???beghair islam ki taleem k kya hum musalmaan kehlaane k qaabil hain???phir to humein koi haq hi nahin banta k hum musalmaan kehlaein jab humein pata hi nahin hai k hamara Islam,hamara Quran,hamara ALLAH humein kis baat ki taleem deta hai...no i m not satisfied...waise thanks parhne k liye...

Aoa

Yia to achi baat ha ka iss ka silsala app na apni zaat sa shuroo kia and Allah app ko iss main istaqamat ata farmay, Amen.

Second yia ka yia zaat paat ka chakar whites main kafi kam haa jo ka achi baat haa. Humain whites ke buri baatoon ke bajay in sa achi baatain seekhni chayian. Achi and buri batain hir insan main hooti hain, baat yia ha ka jin main achi qualities hoon app un ka iatraaf karian and un sa seekhain

Third yia ka yia to Allah jantaa ha ka hum musalman hian bhee ka nehi. Shayeed Allah ka nazdaak hamara sara amal Baamal hoon and humain pata bhee na ho. Islam ke taleemaat paa amal na karna ke aik waja to ILM kee kami haa. Islam ilm hasil karna pa zoor daata haa jis ke ratio Pakistan main filwaqt kafi kum haa. Jub knowledge nehi haa to islam paa amal koon kara gaa. Abhi to BIADAT ka bhee loogoon ko ilm nehi. Sehi teachings ka kitnoon ko ilm ho gaa

Aik waqa yaad ayia. Hazrat Adam(AS) na jub Haaj ada kia to Allah ka Hukam sa Hazrat Jabrial(AS) un ko Maidan e Nuaman main laa ghay and un ke back pa apna paar mala to sub jhaga Hazrat Adam ke Aulad sa bhar ghee. Phir Allah na Sajdaa ka Hukam dia to Hazrat Adam(AS) ka sath un ka right main kara loog ( jin main paghamar bhee shamil thaa) na sajdaa kia. and un ka left main khara hua loogoon na na kia. Phir dosri dafa sajdaa ka hukam hua to dono sides pa kuch loogon na sajdaa kia and kuch na na kia .

Hazrat adam na Allah tallah sa poocha ka first sajdaa main right side main sub na sajdaa kia and left side main kisi na na kia. and Second sajdaa main dono taraf sa kuch loogon na kia and kuch na nehi kia, is main kia hakmat ha to Irshad e bari hui " ka jinho na first and Second dono main sajdaa kia wo Momin Pada hoon gaa and Momin marain gaa, Jinho na dono sajdoon main sajda nehi kia wo kafir paada hoon gaa and kafir marain gaa. And jino na first main sajdaa kia lakin second main nehi kia wo Momin pada hoon gaa but Kafir marain gaa and jinho na first main sajdaa nehi kia lakin second main Sajda kia wo Kafir pada hoon gaa but Momin marian gaa (Qasas ul Anbia)

Abb app hee decide kar lain ka Hum Musalman kahlana ka laiq bhee hian ka nehi

Allah hedayiat daa sub ko

Wasalam

BABA

Sincere_aish · #5 02-13-2006, 03:45 AM

Quote:

Originally Posted by Qulandri_BABA

Aoa

Yia to achi baat ha ka iss ka silsala app na apni zaat sa shuroo kia and Allah app ko iss main istaqamat ata farmay, Amen.

Second yia ka yia zaat paat ka chakar whites main kafi kam haa jo ka achi baat haa. Humain whites ke buri baatoon ke bajay in sa achi baatain seekhni chayian. Achi and buri batain hir insan main hooti hain, baat yia ha ka jin main achi qualities hoon app un ka iatraaf karian and un sa seekhain

Third yia ka yia to Allah jantaa ha ka hum musalman hian bhee ka nehi. Shayeed Allah ka nazdaak hamara sara amal Baamal hoon and humain pata bhee na ho. Islam ke taleemaat paa amal na karna ke aik waja to ILM kee kami haa. Islam ilm hasil karna pa zoor daata haa jis ke ratio Pakistan main filwaqt kafi kum haa. Jub knowledge nehi haa to islam paa amal koon kara gaa. Abhi to BIADAT ka bhee loogoon ko ilm nehi. Sehi teachings ka kitnoon ko ilm ho gaa

Aik waqa yaad ayia. Hazrat Adam(AS) na jub Haaj ada kia to Allah ka Hukam sa Hazrat Jabrial(AS) un ko Maidan e Nuaman main laa ghay and un ke back pa apna paar mala to sub jhaga Hazrat Adam ke Aulad sa bhar ghee. Phir Allah na Sajdaa ka Hukam dia to Hazrat Adam(AS) ka sath un ka right main kara loog ( jin main paghamar bhee shamil thaa) na sajdaa kia. and un ka left main khara hua loogoon na na kia. Phir dosri dafa sajdaa ka hukam hua to dono sides pa kuch loogon na sajdaa kia and kuch na na kia .

Hazrat adam na Allah tallah sa poocha ka first sajdaa main right side main sub na sajdaa kia and left side main kisi na na kia. and Second sajdaa main dono taraf sa kuch loogon na kia and kuch na nehi kia, is main kia hakmat ha to Irshad e bari hui " ka jinho na first and Second dono main sajdaa kia wo Momin Pada hoon gaa and Momin marain gaa, Jinho na dono sajdoon main sajda nehi kia wo kafir paada hoon gaa and kafir marain gaa. And jino na first main sajdaa kia lakin second main nehi kia wo Momin pada hoon gaa but Kafir marain gaa and jinho na first main sajdaa nehi kia lakin second main Sajda kia wo Kafir pada hoon gaa but Momin marian gaa (Qasas ul Anbia)

Abb app hee decide kar lain ka Hum Musalman kahlana ka laiq bhee hian ka nehi

Allah hedayiat daa sub ko

Wasalam

BABA

Walaikum Assalaam...per seekhe kon???Hum kisi insaan kuch bhi letay hain to woh shayed buri hi baatein hoti hain...achi aadtein to shayed hi koi leta ho...Dekhein agar hum sache musalmaan hote,hum mein Allah ki mohabbat majood hoti to hum kaise naa Allah ko khush kerne k liye Quran ko sahi se parhte,humein jahan jahan se us k baare mein kuch milta hum usay sunte,samajhte...per hum aise nahin hain...Ye to ALLAH hi jaanta hai k kon sahi musalmaan hai aur kon nahin...main kya keh sakti hoon...

**T@nHa muS@F!r** · #6 02-17-2006, 08:43 PM

Quote:

Originally Posted by Sincere_aish

Walaikum Assalaam...per seekhe kon???Hum kisi insaan kuch bhi letay hain to woh shayed buri hi baatein hoti hain...achi aadtein to shayed hi koi leta ho...Dekhein agar hum sache musalmaan hote,hum mein Allah ki mohabbat majood hoti to hum kaise naa Allah ko khush kerne k liye Quran ko sahi se parhte,humein jahan jahan se us k baare mein kuch milta hum usay sunte,samajhte...per hum aise nahin hain...Ye to ALLAH hi jaanta hai k kon sahi musalmaan hai aur kon nahin...main kya keh sakti hoon...

mai ap ki bat se itfaaq karta ho behna

Sincere_aish · #7 02-22-2006, 07:09 AM

Quote:

Originally Posted by T@nHa muS@F!r

mai ap ki bat se itfaaq karta ho behna

haaye so nice of u brother...

Urdu Poetry Forum

...Zaat Paat...

...Zaat Paat...